Maak 8:34 - Tampulma

³⁴ Yesu fun a yir o gantɛl tiŋsi ta awa zɛmɛ ta a ŋɔ ba, “Nar la daŋni o tiŋ min, o vɛ o tutɔ a zer o daakakli a baasi a tiŋ min.

Maak 8:34 Σταυροειδείς Αναφορές

Mat. 10:38

Nar vɛ saksi di o namsi koo a wa sou mu daha, o wa deŋli di o tiŋ min.

Mat. 16:24

Yesu fun ŋɔ o gantɛl tiŋsi ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Mat. 27:32

Ba funɛ nyɛn nyinbaan ni a la chene, ba fun la chem baal naa ba yir Simɔn a li Sairini pulum ni. Ba fun lɛrgi un a nyɛ o zer Yesu daakakli ti a baasi a tiŋ ba kaali.

Maak 10:21

Yesu fun nyini baal ti. O wɛ ya un lɛmlɛm kinkan ka o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Maak 7:14

Yesu fun bukoo yir nara tima ba wa o wati. O fun ŋɔ ba, “Ma cheŋi ma diŋsa a nyɛ mu sɛm zu ma bambe ni nɛnɛ.

Luk 13:24

“Koosa koor ti bulzɔɔnɔ fɛmɛu. Ma kpaŋi ma titi kinkan a la zu dooni. Nidamata daŋni ba zu unu, amaa ba wa koti.

Luk 14:33

Chen vɛɛna, ma nidigi wa kiya mu gantɛl tiŋna, see o kpa min a te suwachak a gil o walɛ awa o kina.”

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Luk 20:45

Zɛmɛ ta maga funɛ nu Yesu biksi ti chene, Yesu fun ŋɔ o gantɛl tiŋsi ta ni,

Luk 9:23

Doone o fun burgi a ŋɔ zɛmɛ ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Jɔn 10:27

Mu zim mu piisisau ka a gbanko zim mu ta a la tiŋ min.

Jɔn 19:17

Ba fun zer daakakli ti a nyɛ Yesu ni o baasi a la doonani Ju tim ta yir Gɔlgɔta a li ba titi sɛm ni. Chen mun ya, ‘nyukɔkri bar’.

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

1 Kɔr. 15:31

Mu niinbisa, mu hɛɛsɛ ma naa la tiŋ ya kunyan Yesu Kristo a ya mu jirima nara, muu zu sou bar nyɛni nɛɛ wuzu kam.

1 Kɔr. 8:13

Adaha nɛmɛ mu zi se bur mu dɔŋtima gantɛl, mu wa zi bu se un, chen ni mu dɔŋtim ta wa zi wa chel.

1 Kɔr. 9:19

Nandigi wa dɔ min, amaa mu funɛ kpa mu titirɛ a burgi yoma a tum a nyɛ nara maga ni, chen ni mu zi kotiu a la ba nidamata a nyɛ Koosa ni.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

Filip. Tima 3:7

Saha digi mu funɛ lisiu di kin nama ya mu nyɔɔrrɛ, amaa lalaknɔwa mu zim Kristo, mu zimu di a ya yɔrirɛ.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

2 Tɛs. 3:11

Ya funɛ nu di ma bɔnɛ ya zanyɛrka timwa a la zu ba dɔŋtima wɛ ni. Chendaha ya sɔbi nan a nyɛ ma.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Ju 13:13

Ma nyɛ ya la pu un dooni ya wa un bɔni o hiisa.

1 Pita 4:1

Kristo funɛ nyɛn tɛɛnɛ nɔ maga ni, o funɛ namsiu kinkan. Chendaha ma gbanko kisaksi ma lise ma zi namsiu. Chenani ma namsi zi suŋi mau ma gil ma tum tagna awa ma titi daŋnɛ,

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

2 Pita 1:14

Mu zimu di o wa zi vusi ka mu sou a chi chenani ya kunyan Yesu Kristo fun ŋɔ min chen.

1 Jɔn 3:16

Chenani Yesu fun sou ya daha biksi ya wuti daŋni. O weru wa yaa daŋni ya dɔŋtima chenu, hali a sou ba daha.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.