Maak 7:4 - Tampulma

⁴ Ba wara yau diwe a li yau ni, see ba te chaksi a a zi di. Ba gbanko funɛ tiŋ ba nawaalsa nyinbaan naa la biksi ba kisisi ba gbaŋsa, tempilsa awa lugɛ tempilsa a zi di.

Maak 7:4 Σταυροειδείς Αναφορές

Mat. 23:25

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya se tima.

Mat. 23:26

Ma Farisi tim ta, ma naa chi nyuluma. Ma te chaksi ma tusa ka nara zi zim di maa tum tum were wutirɛ.

Mat. 27:24

Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”

Maak 7:8

“Maa tiŋ chenani Azaaya fun sɔbi saha digi chen. Ma wa gil Koosa chiksi ti a ta a la tiŋ ma nawaalsa nyinbaan.

Jɔn 2:6

Dasisa nɔra funɛ nyɛn dam ti ni. Dasi bɛgim zi zu galɔŋsau a dugli fumtora. Ju tim ta wa kaa di diwe dam ti ni, ba yaa zɔk dasisi ta nire a sɛm ba nisa.

Jɔn 3:25

Ju tim ta digi fun wa Jɔn gantɛl tiŋsi ta wati ba di dɔŋwa amɔrɛ chaksi ti daha.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

Jems 4:8

Ma wa dugli Koosa, o gbanko zi wa dugli mau. Ma naa la tum tum tagna, ma sɛm ma nisa a li ma tum tagna ni. Ma bambi bilɛlɛ tima, ma chaksi ma bambe a li ma lisi bilɛlɛ ta ni.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.