Maak 5:23 - Tampulma

²³ a sumi un kinkan a ŋɔ, “Mu nihabichɛla la wi a daŋni o sou. Mu sumi hinu kinkan, kuwa a wa kpa i nisa a sak un ni, chen ni o zi na alaafɛu.”

Maak 5:23 Σταυροειδείς Αναφορές

Mat. 8:3

Yesu fun kpa o nin a gbaŋsi un a ŋɔ di, “Mu daŋni i na alaafɛu. N tiibi hinu.” O funɛ ŋɔ chen ni, zagumti ti vaan gil un, ka o na alaafɛ.

Maak 16:18

a kikpaksi duma a kinyɔ sambosa ka o ta ya ba kundɔŋ, aa koti a kpa ba nisa a saksi wichɔɔrsi ni ba na alaafɛ.”

Maak 5:24

Yesu fun tiŋ Jairus a kaali. Nara kinkan gbanko funɛ tiŋ un aa zaksi un.

Maak 6:13

Ba fun vɛɛn a duŋni alizin tagna a li nara kinkan ni, a zer nu tama a tiksi a du wichɔɔrsi ta ni a tiibi ba.

Maak 7:32

O funɛ la tel dooni chen, ba fun kpa baal naa funɛ ya diŋgbiti tiina. O wa fun koti aa sɛm sɛma nɛnɛ. Ba fun a sumi Yesu di o kpa o nisa a gbaŋsi un, chen ni o zi na alaafɛu.

Maak 8:23

Yesu fun kpak nyulum ti nin a kpa un a li tɔhɔn ti ni a la tɔɔsi nantɔsa a du o se ni a kpa o nin a sak un ni a pɛɛsi un, “I koti a na doon niuu?”

Luk 13:13

Haan ti fun wa o wati ka o fun kpa o nisa a sak un ni. O fun vaan a koti a deŋli o titi, a piili a pɛgi Koosa.

Luk 4:38

Yesu fun si a li ba bar lagmi dɛ ti ni a la zu baal naa ba yir Simɔn dama. O hila funɛ wi. Kabilima funɛ kpak un ka o fun chɔ dam ti ni. Saha naa Yesu fun la tel doon chen, ba ŋɔ un haan ti wɛ.

Luk 4:40

Nha funɛ chel chen, ba naa wichɔɔrta funɛ kurgi, ba walɛ fun kpa ba a wa Yesu wati. O fun kpa o nisa a saksi ba maga ni a tiibi ba.

Luk 7:12

Ba funɛ la tel tɔhɔn ti bulzɔɔnɔ, nara kinkan fun li tɔhɔn ti ni a chuŋi nibin siwi. Nibaal naa funɛ sou chen, niina funɛ ya luhaannɛ. O funɛ lul nibabichɛl duŋduŋnɛ. O wa zɛmɛ kinkan fun li tɔhɔn ti ni aa la di ba la sogli un.

Jɔn 11:3

O toosi ta fun tum di ba la ŋɔ Yesu ni, “Ya kunyana, i chɛn birigi la wi.”

Tuma 28:8

Kabilima funɛ kpak Publius nyana ka o chaari a chɔ o kichɔɔli ni. Pɔɔl fun nu o wichɔɔrti ti wɛ a fun la zu o dɛ chɔɔli ti a sumi Koosa a nyɛ un a kpa o nisa a sak un ni a tiibi un.

Tuma 6:6

Ba funɛ lisi ba peti a kpa ba a chiŋsi nitumɛ ta suwachak ni. Nitumɛ ta fun kpa ba nisa a saksi ba nyuuni ni a sumi Koosa a du ba ni.

Tuma 8:17

Pita awa Jɔn funɛ sumi Koosa peti, ba fun kpa ba nisa a saksi ba nyuuni ni Koosa siim weri ti zu ba ni.

Tuma 9:12

a na a chi deesi ka i zu o dɛ a kpa i nisa a sak un ni di o se ta bu lɛli.”

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”