Maak 3:18 - Tampulma

¹⁸ O gbanko funɛ lisi Andiru, Filip, Batɔlɔmi, Matiu, Tɔmas, awa Jems, Alfius be, Tadius, Simɔn naa o pulum wɛ fun nyɛn o bambi ni,

Maak 3:18 Σταυροειδείς Αναφορές

Mat. 13:55

O laata funɛ ya bugilsal be a nyɛn bar nɔ ni chenn? O niina laata ya Mɛri chenn? Jems, Josɛf, Simɔn awa Judas laata ya a niinbisa chenn?

Mat. 9:9

Yesu fun bu si a li dooni. O funɛ la chene, o fun na baal naa ba yir Matiu chen. O funɛ kani lampo bar laali nɛɛ a la lampo ti. Yesu fun ŋɔ un, “Si a tiŋ min aa wa.” O fun gil o tuma a si tiŋ un a kaali.

Maak 2:14

O funɛ biksi ba a peti, o fun bukoo si a la na baal naa ba funɛ yir Livai, Alfius be. O funɛ kani lampo bar laali nɛɛ aa la lampo ti. Yesu fun ŋɔ un, “Si a tiŋ min aa wa.” O fun gil o tuma a si tiŋ un a kaali.

Maak 3:17

Jems awa o niinbe Jɔn, Zɛbɛdi bisa. O gbanko funɛ nyɛ ba sɔn falɛwa Boanɛjis. Ba sɔn ta muna funɛ ya nibin numa.

Maak 3:19

awa Judas Iskariɔt, naa funɛ li Yesu gantɛl chen. Ba warɛ o fun lisi a kaali dama.

Maak 6:3

O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Jɔn 1:40

Nara balɛ naa funɛ nu Jɔn sɛm ta chen nidigi a tiŋ Yesu, o sɔn funɛ ya Andiru. O funɛ ya Simɔn Pita niinbere.

Jɔn 11:16

Yesu gantɛl tiŋsi ta nidigi naa funɛ nyɛn o wati, ba yir un Tɔmas. Ba funɛ vɛɛn a yir un leure. O fun ŋɔ o dɔŋtim ta ni, “Ma nyɛ ya tiŋ ya kunyana, chen ni ya wa un zi sowu.”

Jɔn 14:22

Baal digi funɛ nyɛn doon. O sɔn ya Judas, amaa o laata fun ya Judas Iskariɔt. O fun ŋɔ Yesu ni, “Mu kunyana, yɛrɛ i kaa ya a kpa i titi a biksi ya a ta kpa i titi a biksi tɛɛnɛ nɔ tim maga?”

Jɔn 21:2

O gantɛl tiŋsa ba naa funɛ lagmi dooni, ya Simɔn Pita, Tɔmas ka o ya leu chen, Nataniɛl naa li Kena a li Galili pulum ni, Zɛbɛdi bisa lɛ awa nara balɛ.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 15:13

Ba sɛm ta gantɛl nɛɛ, Jems fun ŋɔ ba maga ni, “Mu niinbisa, ma nu mu wati.

Tuma 21:18

Chɔɔsa funɛ wa pisi, ya wa Pɔɔl fun kaali a la zaami Jems. O wa Yesu nitiŋɛ nihɛɛti ta maga funɛ lagmi dɔŋa a kani.

1 Kɔr. 15:7

Jems gbanko fun bu na un. Doone o nitumɛ ta maga gbanko fun bukoo na un.

1 Kɔr. 9:5

Kristo nitumɛ ta, ya kunyan ti niinbisa awa Pita, ba maga funɛ kpak haanasiwa. Ba wa ba haanasi ta la tiŋ dɔŋa a gba, mu gbanko wa kpak chen nyinbaan?

Gal. 1:19

Yesu nitumɛ ta maga ni, mu funɛ pu Jems naa ya ya kunyan ti niinbe, duŋduŋnɛ.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.