Maak 10:34 - Tampulma

³⁴ Ba zi wa mɔmsi min a tɔɔsi nantɔsa a du min ni a tuk min a kpu min. Wuzu butora wuzu Koosa zi lɛli minu a li mu sou ni.”

Maak 10:34 Σταυροειδείς Αναφορές

Mat. 16:21

Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Mat. 26:67

Ba bɔnɛ fun si a tɔɔsi nantɔsa a du un ni a la tuk un,

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Maak 14:63

O funɛ ŋɔ chen, Koosa dam kɔkɔɔrsi ta nihɛɛ ti fun chɛsi chɛsi o gar a ŋɔ, “Yɛrɛ ya bukoo kaa ya a dɛu sɛhɛra tima?

Maak 14:65

Ba bɔnɛ fun si a tɔɔsi nantɔsa a du un ni a kpa gar a tɔ o se. Ba bɔnɛ ka fun mo un a pɛɛsi un, “I zim naa mo hin nanuu?” Koosa dam bisi ta gbanko funɛ tuk unu.

Maak 9:31

domi o funɛ biksi o gantɛl tiŋsi ta kin naa la zi wa yau. O fun ŋɔ, “Ba zi wa kpa n waa nibine beu a du ba naa la zi wa kpu min nin niu. Amaa ba wa kpu min, wuzu butora wuzu n zi si mu sou niu.”

Luk 23:11

Hɛrɔd awa o lanjimasa fun a mɔmsi Yesu a la pini o zoma a kpa gar weri a laari un. Ba funɛ ya chen peti, ba kpa un a bur kaali Pailɔt wati.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 2:10

“Nara yir ba dɔŋtima di ba lagmi a di diwe, ba yaa te kpa sin lɛmnɛ a nyɛ ba di ba nyɔ. Ba wa nyɔ sin lɛm ti puŋ, dam ti bisa yaa kpa sin tagin tirɛ a wa gbaari ba. Amaa ba wa kpa sin lɛm tirɛ a tiŋ gantɛl.”

1 Kɔr. 15:4

Ba funɛ sogli unu, amaa o funɛ si o sou niu wuzu butora wuzu a chi chenani Koosa sɛm tɔn ti fun sɛm saha digi chen.