Ju 9:5 - Tampulma

⁵ Ba gbanko funɛ kpa kina balɛwa a chi Koosa malaikasa a dau adaga ti nyuhu ni. A waa funɛ biksi nara tima di Koosa naa kpak jirima kinkan awa chaani, nyɛn dooni. Ba chɛnɛ funɛ tɔ adaga ti doonani Ju tim dam kɔkɔɔrsa nihɛɛ ti fun pisi kɔɔri ti chɛl a ta, chen ni Koosa zi yisi nara timau a li ba tum tagna ni. Mu wara daŋni mu sɔbi a gbaari chenani mu piin sɔbi nan.

Ju 9:5 Σταυροειδείς Αναφορές

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

Ɛfɛ. 3:10

a kpa a li gbampulim lalaknɔ, chen ni Koosa nitiŋɛ ta zi biksi siim kpoka awa kpok a naa maga nyɛn o tɔhɔn ti niu chenani o zima ti tum a kurgi.

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.