Ju 8:6 - Tampulma

⁶ Tum naa Koosa fun kpa a nyɛ Yesu ni di oo tum o tɔhɔn ti ni, waa zenee a kaali chenani Ju tim Koosa dam kɔkɔɔrsi ta tum, kinkan. Chenani Yesu fun nyɛ Koosa wa ya ya nɔ bɛgim kaali chenani Koosa wa Ju tim ta fun te ya nɔ bɛgim saha digi, domi o nyɛ Koosa wa nyinbaannɛ di o suŋi ya kinkan. Chenani o fun vɔu di o suŋi ya zenee a kaali chenani o vɔu di o suŋi ba.

Ju 8:6 Σταυροειδείς Αναφορές

Luk 22:20

Kinyɔɔli naa ma purigi a bɔni dɔŋ chen, ya mu chɛllɛ. Chenani mu kpa nyɛ ma nan, biksi nara di Koosa wa ba ya nɔ bɛgimnɛ.

Room 9:4

Ba waa ya Ju tim ta. Saha digi Koosa fun lisi ba di ba ya o bisa a biksi ba o kpok ti awa o chaani ti kinkan. O wa ba funɛ ya nɔ bɛgim. O gbanko fun kpa o chiksɛ naa nyɛ ba jɛɛmi un nɛnɛ awa o vɔwɛ a nyɛ ba.

Ɛfɛ. 2:12

Chen saha ti ma wa Yesu Kristo wa fun ya nibɛgim. Ma funɛ ya hɔɔrawa a vɛ lagmi Ju tima ba naa Koosa fun lisi a nyɛ o titi ni. Ba wa fun gur ma lagmi ba naa wa Koosa kpak nɔ bɛgim a li o vɔwɛ ta o fun kpa nyɛ ba chen. Chenani ma yaa nyɛn wuzu kam, ma wa fun zim Koosa a vɛ koti a kpak bambi bɛgim a li un ni.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 7:22

Nan daha, ya zimu di chenani Yesu nyɛ ya wa Koosa ya nɔ bɛgim kaali chenani Ju tim ta wa un fun ya nɔ bɛgim.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.