Ju 6:4 - Tampulma

⁴ Ba naa funɛ bur a li Koosa wuti nyinbaan ti ni, ba wa koti a bur tiŋ un. Ba se funɛ su Koosa ka ba zim un ka o fun kpa o siim weri ti a du ba ni.

Ju 6:4 Σταυροειδείς Αναφορές

Mat. 12:45

O bukoo li a gba a dɛu o dɔŋtima alizin tagna kina nɔpɛ a kpa a a bur wa zu dooni. Alizin tagna nɔpɛ ta tum tagna kaali o tuma. Saha naa alizin tagin ti fun tum o tuma peti, chenani baal ti du fun bukoo tagini a kaali o piili ti ni. Nannɛ o zi wa du zinan nara ba naa la tum tum tagna ni.”

Mat. 5:13

“Nara yaa kpa yisa a du ba kina ni di a ta chɔki. Ma chi chen yisawa. Ma lɛmlɛm liee, ma wa kpak nyinbaan naa ma zi bukoo lɛm. Ma ya yɔrirɛ. Ba zi kpa mau a yo ta aa val ma daha ni.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 6:32

Yesu fun bu ŋɔ ba, “Wutirɛ mu ŋɔ ma, Mosis wa fun kpa diwe ta a li buudaharɛ a nyɛ ma nawaalsi ta ni. Mu kunyan Koosa ka funɛ kpa a a nyɛ ba. Lalaknɔ waa la nyɛ ma diwe titi maa di.

Tuma 10:45

Alaazibu kinkan fun kpak Ju tim ba naa ya Yesu nitiŋɛ ka ba wa Pita fun li Jɔpa a wa chen. Hali saha ti Koosa wa fun kpa o siim weri ti a du ba naa vɛ ya Ju tim ni. Chendaha alaazibu fun kpak ba chen.

Tuma 11:17

Ya se funɛ su ya kunyana Yesu Kristo, Koosa fun kpa o siim weri ti a du ya ni. Lalaknɔwa o ya chen a nyɛ ba naa vɛ ya Ju tim ni. Min ya anti a la zi nyɛ Koosa gil chenani o daŋni o tum?”

Tuma 15:8

Koosa naa zim chenani nibinsa bambe du, fun kpa o siim weri ti a du ba ni a chi chenani o fun te kpa du ya ni chen. Nan funɛ biksi ya di ba naa funɛ vɛ ya Ju tima zi kotiu a wa zim un a chi ya.

Tuma 8:20

Pita fun ŋɔ un, “Kpa i malɛ kila. I wa kikoti a bɔ Koosa di o nyɛ hin kpok i kpa o siim weri ti a nyɛ nara ni.

Room 1:11

Mu daŋni mu na mau kinkan, chen ni mu wa ma zi kotiu a bɔni Koosa siim weri ti papaha bɛgim di ma kpak nɛnɛ.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Gal. 3:2

Mu daŋni mu pɛɛsi ma wu digirɛ. Koosa funɛ kpa o siim weri ti a nyɛ ma, ma funɛ tiŋ o chiksɛ ta hali a wa petiu koo ma funɛ nu o laaboor weri tiu a nyɛ ma se su unn?

Gal. 3:5

Koosa kpa o siim weri ti a tum tum zene a nyɛ ma, o ya chenu domi maa tiŋ o chiksɛwa hali a wa peti koo domi ma funɛ nu o laaboor weri ti a nyɛ ma se su unn?

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 2:8

Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.

Ɛfɛ. 3:7

Koosa funɛ kpa o kpok tiu a nyɛ min di mu burgi o tumtumna a biksi nara o laaboor weri ti wɛ. O funɛ suŋi minu kinkan hali a la gali. O funɛ ya o papaharɛ.

Ɛfɛ. 4:7

Yesu Kristo yaa suŋi yau di ya kaa suŋi ya dɔŋtima.

1 Tim. 4:14

Ta suglɛ papaha naa Koosa fun nyɛ hin saha naa o wa yir hin di i ya o tumtumna a nyɛ o witiina sɛm a li o kpok ni ka Yesu nitiŋɛ nihɛɛti ta kpa ba nisa a sak hin ni.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

2 Tim. 4:14

Machɛrɛ naa ba yir Alɛzanda chen funɛ muksi min kinkan. Ya kunyan ti zi wa di o tum tagna sɛriau.

Ju 10:32

Maa lisi chenani ma se fun te su Koosa ka ma tiŋ un nɛnɛ. Ma funɛ na namsiu kinkan, amaa ma tiŋi wa fun chɛrgi.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.

1 Jɔn 5:16

Ma na ma dɔŋtima ka ba tum tum tagna naa Koosa zi vɛ lɛrgi ba diŋsau ba siti, ma sumi un ba gil ba tum tagna ka o kpa o mi fali ti a nyɛ ba. Ba duŋduŋnɛ mu ŋɔ ma, di ma sumi Koosa a nyɛ ba chen. Nara tum tum tagna naa Koosa zi wa lɛrgi ba diŋsau ba siti, ma ta sumi Koosa a nyɛ ba.