Ju 6:2 - Tampulma

² awa chenani nibinsa kpa ni a chaksi ba nara aa kurge awa chenani ya kpa ya nisa a saksi dɔŋ ni. O wa lawa ya sɛm dɔŋ ni chenani Koosa zi wa lɛli nisitɛ a li ba sou ni wuzu digi a di nibinsa maga sɛria.

Ju 6:2 Σταυροειδείς Αναφορές

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Mat. 3:14

Jɔn funɛ na un, o fun vɛ la nɔɔni di o chaksi Yesu a ŋɔ un, “I fu wa zi wa mu wati di mu chaksi hin. Hin fu la zi chaksi min.”

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Maak 7:4

Ba wara yau diwe a li yau ni, see ba te chaksi a a zi di. Ba gbanko funɛ tiŋ ba nawaalsa nyinbaan naa la biksi ba kisisi ba gbaŋsa, tempilsa awa lugɛ tempilsa a zi di.

Maak 7:8

“Maa tiŋ chenani Azaaya fun sɔbi saha digi chen. Ma wa gil Koosa chiksi ti a ta a la tiŋ ma nawaalsa nyinbaan.

Luk 11:38

Farisi tim ta baal ti funɛ na di Yesu wa fun sɛm o nisa a la di, chen fun jɛri un kinkan.

Luk 12:50

O lawa mu namsiu kinkan. Mu tuha wa sɔɔni hali mu namsi saha wa peti.

Luk 14:14

Ba wa kpak nyinbaan a la zi bɔ hin chenani i ya ba chen. Chenani i suŋi ba zi nyɛ i tuha sɔɔniu. Tɛɛnɛ nɔ maga siili wa tel ka Koosa wa lɛli niwere ta a li ba sou ni, o zi wa bɔ hin i chimu i tim were daha.”

Luk 3:16

Jɔn funɛ zim chenani ba lisiu a ŋɔ ba, “N kpa ni a chaksi ma bara. Naa nyɛn n gantɛl ni aa wa, o ka zi wa kpa Koosa siim weri tiu a du ma ni a chaksi ma a chi din zaamsi salma. Waa ya nihɛɛ a kaali min. N purɛu di mu ur a natausa a nyɛ un.

Jɔn 1:33

Koosa naa funɛ tum min di mu wa chaksi nara wa ni ni chen fun te ŋɔ min, ‘Naa i na ka mu siim weri ti tu wa a zɔŋ un ni chen, waa kaa wa kpa mu siim weri ti a du nara ni.’

Jɔn 5:29

Ba naa funɛ tum tum were chen, mu kunyana zi lɛli bau a li ba sou ni a kpa o mi fali naa vɛ kpak bɔ a nyɛ ba. Ba naa ka funɛ tum tum tagna chen, o zi lɛli bau a li ba sou ni a na ba galimsa a ta ba yɔri.”

Tuma 10:47

“Koosa funɛ kpa o siim weri ti a du nara nama ni a gbaari ya ni. Ya kaa ya chaksi ba wa ni ni, nandigi wa to a la zi ŋɔ di ya ta chaksi ba.”

Tuma 13:3

Yesu nitiŋɛ ta fun sumi Koosa chen daha a kpa ba nisa a saksi ba ni a nyɛ ba kaali.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 16:33

Tɔhɛɛsa funɛ wa gali tama, niili ti fun kpa ni a wa chaksi ba bar huusɛ. O funɛ ya chen peti, ba fun kpa Yesu sɔn a chaksi o wa o walɛ ta wa ni ni.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 2:41

Doone ba nidamata fun la nɔɔni di o sɛm ta ya wutiu. Ba fun gil ba tum tagna a bur tiŋ Koosa a nyɛ nitumɛ ta chaksi ba wa ni ni. Chen saha ti ba naa funɛ gbaari Yesu gantɛl tiŋsi ta ni, funɛ dugli nara tusugsa torau.

Tuma 23:6

Pɔɔl fun na di tɔhɔn ti nihɛɛti ta wa ya nibɛgim. Bɔnɛ funɛ ya Farisi timwa. Bɔnɛ ka ya Sajusi tima. O fun sɛm ta zaŋa a ŋɔ ba, “Mu niinbisa, Farisi tima funɛ lul min. Mu kpak bambi bɛgimu di wuzu digi Koosa zi wa lɛli nisitɛu a li ba sou ni. Chendaha ma lagmi bar nɔ zinan di ma di mu sɛria.”

Tuma 24:15

Chenani Ju tim ba naa nyɛn bar nɔ nan kpak bambi bɛgim di wuzu digi Koosa zi wa lɛli ba naa la tum tum were awa ba naa la tum tum tagnau a li ba sou ni, awa chenani min du ya kibɛgimnɛ.

Tuma 24:21

Mu fun ŋɔ ba di mu kpak bambi bɛgimu di wuzu digi Koosa zi wa lɛli nisitɛu a li ba sou ni. Ba na mu galimsa nan dahauu?”

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Tuma 26:8

Pɔɔl fun burgi a ŋɔ Ju tima ba naa funɛ chiŋi dooni, ‘Ma Ju tima, o bɔmu di ma se su di Koosa zi wa lɛli nisitɛu a li ba sou ni. Yɛrɛ o bɔm ma ni chen?’

Tuma 4:2

Ba fun na paan a du nitumɛ nara balɛ ta ni, domi ba waa ŋɔ zɛmɛ ta ni di Koosa lɛlɛ Yesu a li o sou ni. Nan funɛ biksi ba di Koosa zi wa lɛli narau wuzu digi a li ba sou ni.

Tuma 6:6

Ba funɛ lisi ba peti a kpa ba a chiŋsi nitumɛ ta suwachak ni. Nitumɛ ta fun kpa ba nisa a saksi ba nyuuni ni a sumi Koosa a du ba ni.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

1 Kɔr. 10:2

O chi ba funɛ chaksi bau a li dobaal ti ni awa ni ti ni ka ba fun a tiŋ Mosis.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

2 Tim. 2:18

Nara balɛ na funɛ gil Koosa wuti nyinbaanu a nyɛ ba naa se su Kristo bɔnɛ bur o tiŋi ni, domi ba biksiu di ya piin siu a li ya sou ni.

Ju 11:35

Koosa funɛ lɛli nihaana ba naa se su un, nisitɛ a li ba sou ni. Ba fun kpaksi bɔnɛ a ŋɔ ba di ba vɛ Koosa, ba zi na nyinbaanu a chɔ li. Ba ka funɛ na namsiu kinkan a sou, chen ni Koosa zi lɛli bau a du nyɛni naa weri a kaali chenani ba fun te nyɛn ni.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.