Ju 6:1 - Tampulma

¹ Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

Ju 6:1 Σταυροειδείς Αναφορές

Mat. 21:29

O be ti fun ŋɔ un, ‘N wara daŋni mu la.’ O fun ya tama o bambi fun chɛrgi ka o fun kaali ŋmaha ti.

Mat. 21:32

Jɔn naa funɛ chaksi nara wa ni ni chen, funɛ wau di o wa biksi ma nyinbaan deŋli ma tiŋ, amaa ma se wa fun su o biksi ti. Lampo nilalɛ ta awa nihaana ba naa la daŋni nibaala yɔri yɔri, ba se ka funɛ su o biksi ti. Hali ma yaa fun a na nan, ma vɛ gil ma tum tagna a tiŋ un.”

Mat. 3:2

O funɛ ŋɔ ba, “Koosa duglɛu a la daŋni o dɔ ma. Chendaha ma gil ma tum tagna a burgi a tiŋ o nyinbaan.”

Mat. 4:17

Saha ti kpa la Yesu yaa fun la biksi nara a ŋɔ ba, “Ma gil ma tum tagna a burgi tiŋ Koosa nyinbaan. Saha ti duglɛu di Koosa dɔ nara.”

Mat. 5:48

Ma nyɛ ma tusa kichaani a chi chenani ma nyana Koosa naa nyɛn o tɔha ni tuha chaani chen.”

Mat. 7:25

Pe kpok awa doon fun wa kinkan a wa li o dam ti ni, ka pola fun su a pal a la mo dam ti gbanko. Amaa o wa fun chel, domi o tiin ti funɛ sa unu a zɔŋ gbɛntɛl nyuhu nɛɛ.

Maak 1:1

Koosa laaboor weri piili nɛɛnɛ. O ya o be Yesu Kristo wɛwa.

Maak 6:12

Yesu funɛ biksi ba chene, ba fun si a kaali a la sɛm Koosa wɛ a nyɛ nara ni, a ŋɔ di ba gil ba tum tagna a burgi a tiŋ Koosa nyinbaan.

Luk 6:48

Ba chi nibine naa funɛ hur o dam sɛchik a li gbɛntɛl nyuhu ni a sa zɔŋ. Wuzu digi pula fun su a pal a la mo dam ti. Amaa o wa fun chel, domi o sɛchik ti funɛ kpoku.

Jɔn 12:44

Doone Yesu fun zer o ta buudaha a ŋɔ zɛmɛ ta ni, “Naa si su min, o si su Koosa naa tum min chen gbanko.

Jɔn 14:1

Doone Yesu fun ŋɔ o gantɛl tiŋsi ta ni, “Ma ta nyɛ ma bambe bure. Ma se su Koosa. Ma ta nyɛ ma se suuli bur gantɛl a li min ni.

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 17:30

Hali saha nɔ Koosa wa fun lɛrgi ba naa vɛ zim o wɛ diŋsa, amaa o fun ŋɔ ba naa nyɛn bawu maga ni lalaknɔ di ba gil ba tum tagna a bur tiŋ un.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

1 Kɔr. 13:10

Yesu wa bur wa, ya zi wa ya kina maga petiu.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

2 Kɔr. 7:10

Chenani ma tusa fun chɔk nyɛ ma gil ma tum tagna a bur a tiŋ un. Ya ya chen, wuzu digi o zi kotiu a yisi ya a li ya tum tagna ni hali a wa peti. O wa ya kin naa ya zi vɛ. Naa vɛ nyɛ Koosa chɔk o tuha, wuzu digi Koosa zi wa na o galimsau a ta un yɔri.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Ɛfɛ. 2:5

a fun wa na ya ka ya yaa chi nisitɛ ya tum tagni ta daha. O fun yisi ya a li ya tum tagna ni di ya tiŋ un o lɛli ya a li ya sou ni a chi chenani o fun lɛli Yesu Kristo chen. Koosa funɛ suŋi yau kinkan a la gali chen ni.

Ɛfɛ. 4:12

chen ni o nara ba naa maga chi o bara zi zimu chenani ba zi tum ba tumau a nyɛ dɔŋ ni, a kpak un nɛnɛ a gbaari.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 3:14

Maa daŋni dɔŋa a kaali kina maga. Maa daŋni dɔŋa, ma zi kotiu a tum kin nama maga.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 6:19

Ba ya chen, ba zi kotiu a chiŋsi ba kina saha naa la wa nan a koti a kpak Koosa wuti miisa naa o zi kpa nyɛ ba.

2 Tim. 2:19

Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

Ju 11:6

Nibine si vɛ su Koosa, o wa zi sɔɔni Koosa tuha. Naa la daŋni o zim Koosa, o lawa o nyɛ o si su di o nyɛnu a wa bɔ ba naa dɛu un.

Ju 12:13

Maa tiŋ Koosa wuti nyinbaan naa weree a chaani, chen ni ma dɔŋtima ba naa vɛ kpak kpok kinkan a tiŋ ma gantɛl, wa zi chel.

Ju 7:11

Koosa chiksɛ ta awa Ju tim ta Koosa dam kɔkɔɔrsa funɛ lagmi dɔŋ ni. Ba wa fun koti a yisi Ju tima a li ba tum tagna ni hali a wa peti. Chendaha Koosa fun tum Yesu Kristo. O wa fun ya Ɛrɔn bi lulɛ digi. O ka funɛ ya Koosa dam kɔkɔɔrrɛ a chi Mɛlkizidɛk.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Jems 1:4

Maa di hali a wa peti, ma zi ya nibin wereu a chi chenani Koosa daŋni ma du.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.