Ju 5:12 - Tampulma

¹² Ma ya Yesu nitiŋɛu a vusi, o fu lawa ma titirɛ kibiksi nara kin nama wɛ. Amaa ma ha vɛɛn a daŋni narawa kibiksi ma Koosa laaboor weri te tel kin timau. Ma chi bichɛsa ba naa la ɔsirɛ. Ma ha wa mak ku diili.

Ju 5:12 Σταυροειδείς Αναφορές

Mat. 17:17

Yesu fun ŋɔ un, “Ma zinan nara se wa su min. Saha maga ma yaa tum tum tagniwa. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Maak 9:19

Yesu fun ŋɔ un, “Ma zinan nara se wa su min. Saha yɛrɛ mu kaa nyɛn ma wati hali ma wa zim min? Saha yɛrɛ n zi ya ma kanyita? Kpa be ti kuwa mu wati.”

Tuma 7:38

Mosis ya naa wa ya nawaalsa Ju tim ta funɛ lagmi a li nyabaan ti ni. Koosa malaika ti fun ŋɔ un dooni a li bi Sainai a kpa Koosa chiksɛ naa biksi ba chenani ba zi nyɛn, a nyɛ un. Nannɛ ba fun kpa nyɛ ya di ya tiŋ.

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

1 Kɔr. 14:19

Amaa mu wa Yesu nitiŋɛ ta wa lagmi di ya jɛɛmi Koosa, mu yaa daŋni mu sɛm ba sɛm tama naa la zi suŋi bau. Chen bɔ wa mu sɛm ba sɛm damata a naa vɛ kpak suŋi.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

Gal. 4:3

Chen vɛɛna, wu damata awa chiksɛ funɛ te dɔ ya a nyɛ ya burgi a yosa ka ya zi wa zim Yesu Kristo.

Filip. Tima 3:1

Mu niinbisa, ma nyɛ ma tusa sɔɔni ya kunyan ti daha. Mu daŋni mu ŋɔ ma wu digirɛ. Mu funɛ te sɔbiu o wɛu a nyɛ ma a bura sɔbi nan. O zi suŋi mau ma ta cheli. Chendaha ma tuha sɔɔni di mu ya chen.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

Ju 10:32

Maa lisi chenani ma se fun te su Koosa ka ma tiŋ un nɛnɛ. Ma funɛ na namsiu kinkan, amaa ma tiŋi wa fun chɛrgi.

Ju 5:11

Mu daŋni mu ŋɔ ma wu damatiwa a gbaari chenani mu ŋɔ ma nan ni, amaa o bɔmu wa mu biksi ma, domi ma sɔɔnɛu wa ma zim.

Ju 5:13

Yesu nitiŋɛ chi bichɛsa ba naa la ɔsirɛ, ba zim Koosa wuti biksi ti tamnɛ.

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.