Ju 5:1 - Tampulma

¹ Saha digi Koosa fun a lisi o dam kɔkɔɔra a li Ju tim ta ni di o chiŋi ba bar chiŋi ni o suwachak ni. O fun kpa ba papaha a kɔɔri kɔɔra a nyɛ Koosa ni ba tum tagna daha.

Ju 5:1 Σταυροειδείς Αναφορές

Room 15:17

Chenani mu tum a nyɛ Koosa ni ya mu jirima kin, domi mu wa Yesu Kristo ya nibɛgimnɛ.

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

Ju 10:11

Wuzu kam Ju tima dam kɔkɔɔrsi ta yaa kɔɔri nara tima koorsau a nyɛ Koosa ni, amaa a wa nyɛ o yisi ba a li ba tum tagna ni hali a wa peti.

Ju 10:12

Kristo funɛ sou ya daha, o fun a burgi ya kɔɔra a chiŋi ya tum tagna bar chiŋi ni bu bɛgim. O funɛ wa si o sou ni, o fun zini a zu Koosa tɔhɔn ti a la kani Koosa nihɛɛ bar kani ni. O kɔɔri nɔ zi chiŋiu hali saha naa vɛ kpak bɔ.

Ju 11:4

Baal digirɛ ba funɛ yir Abɛl, o se fun su Koosa. Chendaha o kɔɔra naa o fun kpa nyɛ Koosa ni zen a kaali o niinbe Keen kɔɔra. Koosa fun a la o papaha a bu vɛ na o galimsa domi o se su un. Abɛl fun sou, amaa o tuma ha vɛɛn a biksi yau.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 7:27

O wa Ju tima Koosa dam kɔkɔɔrsi ta wa ya nibɛgim. Ba waa yaa fun te kɔɔri kɔɔra a nyɛ Koosa ni di a chiŋi ba tum tagna bar chiŋi ni, a zi kɔɔri kɔɔra a nyɛ Koosa ni di a chiŋi nara tum tagna bar chiŋi ni. Yesu wa zi daŋni o ya chen. O funɛ sou chen, o fun kpa o titi a kɔɔri kɔɔra a nyɛ Koosa ni bu bɛgim duŋduŋ.

Ju 8:3

Ju tim ta fun lisi ba Koosa dam kɔkɔɔrsi ta di ba kpa ba papaha awa ba sela a kɔɔri kɔɔra a nyɛ Koosa ni. Chendaha o lawa ya Koosa dam kɔkɔɔra kpa kundɔŋu a nyɛ Koosa ni.

Ju 8:4

O ha fu vɛɛn nyɛn tɛɛnɛ nɔ maga ni, o fu wa zi ya ya Koosa dam kɔkɔɔra. Ju tim ta piin kpak ba Koosa dam kɔkɔɔrsa ba naa tiŋ ba chiksɛ tau a kpa nara tima papaha a nyɛ Koosa ni.

Ju 9:9

Chenani o fun du saha digi, o ha vɛɛn du chene hali wa zinan. Ju tima Koosa dam kɔkɔɔrsi ta fun kpa nara tima papaha a kɔɔri kɔɔra a nyɛ Koosa ni di a chiŋi ba tum tagna bar chiŋi ni. Chenani ba ya wa chaksi ba tum tagna a li ba bambe ni.