Ju 3:5 - Tampulma

⁵ Mosis funɛ nyini Koosa dam walɛ nɛnɛ, amaa o funɛ ya Koosa tumtumnɛ. O fun te biksi ba chenani Koosa zi wa tum wuzu digi.

Ju 3:5 Σταυροειδείς Αναφορές

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Luk 24:27

Ba ha funɛ vɛɛn a val nyinbaan ni chene, Yesu fun biksi ba chenani Mosis awa Koosa witinsi ta maga fun sɔbi o wɛ saha digi chen a li Koosa sɛm tɔn ti ni.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 5:39

Ma yaa karimi Koosa sɛm tɔn ti saha maga. Ma karimi ti nyɛ ma se su di ma zi na mi fali naa vɛ kpak bɔu. Amaa o sɛm tɔn ti biksi ma mu wɛ.

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 7:37

Mosis nɔ fun ŋɔ Ju tim ta ni, ‘Koosa zi lisi witinsi ta digiu a li ma ni a tum un ma wati a chi chenani o fun tum min ma wati nan.’

Room 3:21

Lalaknɔ Koosa fun a biksi ya o nyinbaan chenani o zi bu vɛ na nibinsa galimsa o wati. Chenani o tum chen wa kpak wu digi wa o chiksɛ ta tiŋi ni. O chiksɛ naa ba fun sɔbi a li o sɛm tɔn ti ni awa o witinsa ba naa nyɛn saha digi, funɛ biksi nara o wɛ.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

Ju 1:1

Saha digi Koosa fun nyɛ o witinsa biksi ya nawaalsa o tutɔ wɛ. Nyinbaan damatiwa o fun kpa a biksi ba a gbaari tamtama.

Ju 3:2

Saha digi Mosis wa fun bur gantɛl di o suŋi Ju tima ba naa ya Koosa narau, nɛnɛ. Chen vɛɛna, Yesu naa Koosa fun lisi di o suŋi ya, wa fun bur gantɛl a li ya suŋi ni nɛnɛ.

Ju 3:4

Damsi maga kpak a nisalɛwa, amaa Koosa duŋduŋ funɛ naami kina maga.

Ju 8:5

Tum naa Ju tim Koosa dam kɔkɔɔrsi ta tum, ya chamsirɛ a li chenani Yesu tum a li Koosa tɔhɔn ti ni ya daha. Mosis funɛ saksi di o du Koosa lɛu ti nyabaan ni saha digi, Koosa funɛ ŋɔ unu, “Doso a du un a chi chenani mu fun biksi hin bi naa ba yir Sainai ni chen”.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

JɔnN Deesi 15:3

Ba funɛ lɔ Mosis naa funɛ ya Koosa tumtumna awa piisi be ti bool a ŋɔ, “Ya kunyana Koosa naa kpak kina maga kpok, alaazibu fun kpak ya i tum zene daha. I waa naa ya tɛɛnɛ nɔ tim maga koora. Tum naa maga i tum, a ya deŋliu a ya wuti.