Ju 2:9 - Tampulma

⁹ amaa ma lisi Yesu wɛ. Koosa funɛ tum unu tɛɛnɛ nɔ maga ni a nyɛ o malaikasi ta zen a kaali un wuzu bilɛ, a nyɛ o sou nara maga daha, chen ni Koosa zi kotiu a suŋi ba. O funɛ sou chene, Koosa fun lɛli un a li o sou ni a nyɛ un o jirima awa o chaani kinkan.

Ju 2:9 Σταυροειδείς Αναφορές

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 6:28

“Yɛrɛ kilaarɛ wɛ muksi ma? Maa nyini chenani kɔsa yeligisa du. A wara tum tuma koo a ar kilaarɛ a nyɛ a titi ni.

Maak 9:1

Yesu fun ŋɔ ba, “Maa nu mu wati. Ma bɔnɛ nyɛn bar nɔ, ma wa zi sou hali Koosa zi wa dɔ nara wa kpok ni.”

Luk 9:27

Maa nu mu wati. Ma bɔnɛ nyɛn bar nɔ, ma wa zi sou hali Koosa zi wa dɔ nara awa kpok ni.”

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 10:17

“Mu nyan ti daŋni minu, domi mu saksɛu di mu sou a nyɛ a. N wa sou, mu zi si a li mu sou niu.

Jɔn 12:32

Ba wa kpaasi min a mari daakakli ni di mu sou, nidamata bambe zi nyɛn min niu.”

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 8:51

Ma cheŋi ma diŋsa a nu chenani mu kaa sɛm ma. Ba naa maga yaa tiŋ mu nɔ, ba wa zi wa sou.”

Jɔn 8:52

Ju tim ta fun ŋɔ, “Lalaknɔwa ya zim di i kpak alizin taginu. Hin ŋɔ ya di ba naa maga tiŋ i nɔ wa zi sou, amaa ya nawaal, Abraham, awa Koosa witinsi ta maga funɛ sitiu saha digi.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 3:13

Koosa naa ma nawaalsa Abraham, Aizik awa Jakɔb funɛ jɛɛmi, kpa o jirima awa o chaani kinkan a nyɛ o tumtumna Yesu ni. Ma funɛ kpak unu a du gɔbnati nyuhu tiina naa ba yir Pailɔt nin ni. Pailɔt funɛ kpa un wa li ma suwachak a daŋni o gil un o la, ma fun vɛ.

Room 5:18

Adam funɛ tum tum tagin saha digi, Koosa fun na nara maga galimsa a la zi wa ta ba yɔri. Yesu funɛ sou o daakakli ti ni, chen nyɛ Koosa bu vɛ koti a na nara maga galimsa a kpa o mi fali ti a nyɛ ba.

Room 5:8

Amaa Koosa funɛ biksi ya chenani o daŋni ya kinkan. Ya ha funɛ vɛɛn a tum tum tagnau, chen saha ti Kristo funɛ chiŋi ya bar chiŋi ni a sou a nyɛ ya.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

2 Kɔr. 5:15

O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

1 Tim. 2:6

Kristo funɛ sou ya daharɛ, chen ni o zi kotiu a la nibinsa nyuuna a nyɛ ba. Saha nɔwa Koosa fun lisi di ya la biksi nara kin nama wɛ.

Ju 1:9

I si yaa sɛriu di i tum tum were a vɛ kpak wu digi wa tum tagna ni. Chendaha mu waa naa ya i Koosa, funɛ lisi hin di i kpak jirima kinkan awa tu sɔɔna a kaali kina maga.”

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

Ju 11:5

Baal digirɛ ba funɛ yir Inɔk, o se fun su Koosa. Chendaha Koosa wa fun nyɛ o sou. Wuzu digi Koosa fun wa kpa un a zini a zu o tɔhɔn ti. Nandigi wa fun koti a na un. Ba fun a sɔbi a li Koosa sɛm tɔn ti ni, di Inɔk funɛ nyɛn, o yaa fun sɔɔni Koosa tuhau kinkan.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 2:7

Saha naa la zi vɛ vusi, i funɛ nyɛ i malaikasi ta zenu a kaali ba, a kpa jirima awa chaani a nyɛ ba.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

Ju 8:3

Ju tim ta fun lisi ba Koosa dam kɔkɔɔrsi ta di ba kpa ba papaha awa ba sela a kɔɔri kɔɔra a nyɛ Koosa ni. Chendaha o lawa ya Koosa dam kɔkɔɔra kpa kundɔŋu a nyɛ Koosa ni.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Jɔn 2:2

O funɛ sou ya tum tagna daharɛ, chen ni o zi koti a yisi yau a li Koosa paan ni. O wa fun sou ya tum tagna duŋduŋ daharɛ. O funɛ sou tɛɛnɛ nɔ tim maga tum tagna gbanko daharɛ.

JɔnN Deesi 19:12

O se funɛ chi dinfullɛ ka o fun chik salma nyuchik damata o nyuhu ni. Ba fun sɔbi sɔn naa nandigi vɛ zim o mun a gbaari un ni, a sak un ni.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.