Ju 2:2 - Tampulma

² Ma zim chenani Koosa malaikasi ta fun a kpa o wuti chiksɛ a nyɛ Mosis ni saha digi. Ba naa maga tum tum tagna a vɛ tiŋ o nɔ, Koosa fun na ba galimsa a lɛrgi ba diŋsa. O funɛ deŋliu di o ya chen.

Ju 2:2 Σταυροειδείς Αναφορές

Tuma 7:53

Koosa funɛ nyɛ o malaika ti kpa o chiksɛ ta a nyɛ ma nawaalsi ta ni a ka pu ma, amaa ma ha wa tiŋ a.”

Gal. 3:19

Yɛrɛ Koosa fun kpa o chiksɛ ta a nyɛ Mosis ni a gbaari o vɔwi naa o fun piin kpa a nyɛ Abraham ni? Koosa funɛ ya chene, chen ni nibinsa zi zimu chenani tum tagna duu, hali saha naa Abraham be luli naa Koosa fun vɔu di o tum, fun wa. Koosa funɛ kpa o chiksɛ ta a nyɛ nara ni, o funɛ te kpa a a nyɛ o malaikasi ta nɛɛ. Ba fun a kpa a a nyɛ Mosis ni o ka fun kpa a a nyɛ nara ni.

Ju 1:1

Saha digi Koosa fun nyɛ o witinsa biksi ya nawaalsa o tutɔ wɛ. Nyinbaan damatiwa o fun kpa a biksi ba a gbaari tamtama.

Ju 10:28

Koosa chiksɛ naa o fun kpa a nyɛ Mosis ni, funɛ biksi Ju tim ta di ba nidigi vɛ kpak wu digi wa chiksɛ ta ni, ba yir sɛhɛra tima nara balɛ akoo nara batora. Ba na o galimsa, ba ta kpak un siki a kpa un a kpu.

Ju 10:35

Maa tiŋ nɛnɛ a chi chenani ma fun a tiŋ saha digi chen a ta bur gantɛl. Ma ya chen, Koosa zi wa bɔ ma ma chimu kinkan.

Ju 11:26

O funɛ zimu di wuzu digi Koosa zi wa bɔ un o chimu. Chendaha o fun lisi di Ijipt tima pini o zoma a nyɛ o na namsi naa Koosa zi wa tum wuzu digi daha, chen fu bɔɛɛ wa o dɔ Ijipt tim wu were maga.

Ju 11:6

Nibine si vɛ su Koosa, o wa zi sɔɔni Koosa tuha. Naa la daŋni o zim Koosa, o lawa o nyɛ o si su di o nyɛnu a wa bɔ ba naa dɛu un.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.

Juud 1:5

Ma piin zim kin nama wɛu nɛnɛ. Mu daŋni mu lisi mau saha naa Koosa fun a lisi Ju tima a li Ijipt pulum ni saha digi. A gantɛl nɛɛ o fun a kpu ba naa se vɛ su un.