Ju 2:10 - Tampulma

¹⁰ O funɛ deŋliu di Koosa naa funɛ naami kina maga di a nyɛ un jirima, nyɛ o be Yesu namsi a sou a peti o tuma a chi chen, chen ni Koosa zi koti a yisi nidamatau a li ba tum tagna ni a nyɛ ba burgi o bisa ba naa wa Yesu la zi wa bɔni o jirima awa o chaani kinkan. Chenani Yesu sou funɛ nyɛ o burgi ba nyuhu tiina birigi.

Ju 2:10 Σταυροειδείς Αναφορές

Luk 13:32

Yesu fun ŋɔ ba, “Baal ti chi gbehere. Ma la ŋɔ un di zinan awa chɛ mu zi duŋni alizin tagnau a li nara ni aa tiibi wichɔɔrsa. Si chɔɔsirɛ n zi peti mu tuma.

Luk 2:14

“Ma nyɛ ya nyɛ Koosa naa nyɛn o tɔha ni, jirima kinkan. Naa o fa tum zi nyɛ ba naa la ya Koosa lɛmlɛm ya nɔ bɛgim wa dɔŋ ni.”

Luk 24:26

Ba funɛ ŋɔ di, ‘Naa Koosa fun vɔu di o tum chen, waɛɛ, o zi namsiu a sou a si la zu Koosa tɔhɔn ti.’ O wa deŋli di o ya chenn?”

Luk 24:46

a ŋɔ ba di ba sɛm di naa Koosa vɔu di o tum chen zi wa namsiu a sou ka Koosa lɛli un a li o sou ni wuzu butora wuzu.

Jɔn 11:52

O sɛm ta mun funɛ zen a kaali chenu. Yesu sou daha, Koosa bisa maga, ba naa pisi a go tɛɛne nɔ maga zi wa lagmi dɔŋ niu a ya nibɛgim.

Jɔn 19:30

Yesu funɛ nyɔ un a ŋɔ, “Mu tum petiu.” O fun gur o nyuha a sou.

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

2 Kɔr. 5:18

Kin nama magawa Koosa fun ya nyɛ ya. Yesu Kristo siwi daha, Koosa wa ya fun bu ya nɔ bɛgim a daŋni ya la ŋɔ nara ni o wɛ, chen ni o wa ba gbanko zi bu ya nɔ bɛgimu.

2 Kɔr. 6:18

Mu zi ya ma nyanau, ka ma kiya mu bisa. Mu waa, Koosa, naa kpak kina maga kpok, ŋɔ nan.”

Gal. 3:26

Chenani ma se su Yesu Kristo nyɛ ma ya Koosa bisa.

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 3:10

a kpa a li gbampulim lalaknɔ, chen ni Koosa nitiŋɛ ta zi biksi siim kpoka awa kpok a naa maga nyɛn o tɔhɔn ti niu chenani o zima ti tum a kurgi.

Kɔl. 3:4

Saha naa Kristo naa nyɛn ma ni, wa bur wa tɛɛnɛ nɔ maga, ma wa un zi wa lagmi dɔŋ niu a bɔni o jirima awa o chaani kinkan.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 6:20

Yesu ya ya Koosa dam kɔkɔɔra a chi Mɛlkizidɛk hali saha naa vɛ kpak bɔ. Waa funɛ te ya suwachak a la zu dooni ya daha.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Ju 7:28

Ju tim ta yaa funɛ tiŋ Koosa chiksɛu a la lisi ba Koosa dam kɔkɔɔrsa ba naa vɛ kpak kpok. Koosa ka fun lisi o be ti di o ya ya Koosa dam kɔkɔɔra a hɛɛsi di o wa zi wa chɔk chenani o lisi chen. O funɛ biksi Koosa di o yaa kitiŋ o nɔ a li kina maga ni a nyɛn hali saha naa vɛ kpak bɔ.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

JɔnN Deesi 4:11

“Ya kunyana awa ya Koosa, hin naami kina maga. O ya i tutɔrɛ a nyɛn. Chendaha o deŋli wa ya jɛɛmi hin, domi i kpak jirima awa chaani wa kpok kinkan a kaali a maga.”

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.