Ju 13:7 - Tampulma

⁷ Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.

Ju 13:7 Σταυροειδείς Αναφορές

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Luk 5:1

Wuzu digi Yesu fun chiŋi zɛmɛ bambaan ni a li bɛɛŋ naa ba funɛ yir Gɛnɛsarɛt nɔ ni. Ba funɛ murgi dɔŋa di ba pu un a nu Koosa laaboor weri ti biksi.

Luk 8:11

“Ma nyɛ mu ŋɔ ma jɛɛgi ti mun. Kiduha ti chi Koosa laaboor weri tirɛ.

Tuma 13:46

Chenani ba funɛ sɛm nyɛ Pɔɔl awa Barnabas bambe kpok ka Pɔɔl ŋɔ ba, “O deŋlu wa ya te kpa Koosa laaboor weri ti a biksi ma Ju tima. Ya waa funɛ nyɛ ma nyinbaan di ma nu un a la Koosa mi fali naa vɛ kpak bɔ ka ma vɛ a. Chenani ma vɛ chen, ya wa zi bu biksi Koosa laaboor weri ti a nyɛ Ju tim ta ni. Ya ka zi biksi unu a nyɛ ba naa vɛ ya Ju tim ta duŋduŋ nɛɛ.

Tuma 14:23

Doone ba fun lisi nihɛɛta a li Yesu nitiŋɛ ta tuhu ni di ba nyini ba a li tɔsi ta ni. Pɔɔl awa Barnabas funɛ vɔti ba nɔɔna a sumi Koosa peti, ba fun kpa Yesu nitiŋɛ ta a du ya kunyan ti nin ni a kaali.

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Room 10:17

Nara funɛ wa biksi ya Koosa laaboor weri ti wɛ. Waa ya Kristo wɛ. Ya funɛ nu un, chen nyɛ ya se su un.

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

1 Kɔr. 11:1

Adaha maa tiŋ min a chi chenani mu ya Yesu nitiŋi a la tiŋ un nan.

1 Kɔr. 4:16

Adaha mu sumi mau, maa tiŋ chenani muu tiŋ.

Filip. Tima 3:17

Mu niinbisa, o lawa ma zer mu ninu a li chenani mu tiŋ Kristo ni. Ya waa funɛ biksi ma nɛnɛ. Maa nyini ba naa la tiŋ ya biksi ti.

1 Tɛs. 1:6

ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

2 Tɛs. 3:7

Ma titi zimu nɛnɛ chenani ya nyɛni fun du ma watiu. Ma gbanko kinyɛn chen. Ya wa ma funɛ nyɛn, ya wa fun kpak zanyɛrka.

2 Tɛs. 3:9

O funɛ deŋliu wa ya ŋɔ ma di ma suŋi ya wa diwe ni, amaa ya bara wilim nee yaa di a la biksi ma chenani ma zi tiŋ.

1 Tim. 3:5

Nar vɛ koti a nyini o walɛ nɛnɛ, yɛrɛ o kaa ya a koti a nyini ba naa tiŋ Koosa?

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.

JɔnN Deesi 6:9

Doone piisi be ti fun kasi kitɔɔli anyuun tiina a bu puk tɔn ti tama a gbaari. Mu fun nyini a na ka biŋbiŋa nyɛn dooni. Ba naa tɛɛnɛ nɔ tim maga fun kpu domi ba funɛ biksi ba Koosa laaboor weri ti wɛ a vɛ bur gantɛl a li ba biksi ni, ba funɛ nyɛn biŋbiŋ ti mun nɛɛ.