Ju 13:3 - Tampulma

³ Maa lisi ba naa ba fun kpa la tɔ dɛ a chi ma nyɛn ba watɛɛ dooni wɛ. Maa gbanko kilisi ba naa la na namsi a chi ma titi la na namsi wɛ.

Ju 13:3 Σταυροειδείς Αναφορές

Mat. 25:36

Mu wa fun kpak kilaarɛ, ma nyɛ min kilaarɛ mu laari. Wichɔɔrta fun kpak min, ma nyini min. Ba fun tɔ min dɛ, ma wa zaami min.’

Mat. 25:43

N funɛ ya hɔɔr, ma wa fun la min a du ma damsi ni. N funɛ vɛ kpak kilaarɛ, ma wa fun nyɛ min kilaarɛ mu laari. Wichɔɔrta funɛ kpak min ka ba fun tɔ min dɛ, ma wa fun wa nyini min.’

Tuma 24:23

O fun ŋɔ o lanjimasa ba naa funɛ il Pɔɔl chen, nihɛɛ di ba ta bu tɔ un dɛ a nyɛ o chɛnsa wa nyinbaan ba kpa kin naa o daŋni a wa nyɛ un.

Tuma 27:3

Chɔɔsa funɛ wa pisi, ya fun la tel Saidɔn. Julius funɛ ya nibin werire Pɔɔl wati a nyɛ un nyinbaan di o gil arŋ ti a la zaami o chɛna, chen ni ba zi nyɛ un kin nawara o daŋniu.

Room 12:15

Maa nyɛ ma tusa wa ba naa tusa sɔɔnɛɛ sɔɔni. Ma bukoo nyɛ ma tusa wa ba naa tusa chɔkɛɛ chɔk.

1 Kɔr. 12:26

Bara luk pɛkha vɛ kpak alaafɛ, o bara maga la wi chen. Nara pɛgi bara luk pɛkha digi, ba pɛgi bara magawa.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

Ju 11:37

Ba fun kpa buŋkula a ka yaksi bɔnɛ a kpu. Ba gbanko fun kpa chisi zene a ka kpu bɔnɛ. Hali ba ka fun teŋsi a purigi ba bɔnɛ bara bilɛ a ta. Ba fun duŋni bɔnɛ a ka li ba damsi ni di ba kpa piisi awa buun tɔna a laari aa gba. Nara funɛ muksi ba kinkan a nyɛ ba na namsi a nyɛ ba buuri kɔha ni yɔri.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.