Ju 11:7 - Tampulma

⁷ Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 11:7 Σταυροειδείς Αναφορές

Mat. 2:12

Ba funɛ hiisi chene, Koosa fun sɛm ba a li ba deesi ni a ŋɔ, “Ma ta bur la Hɛrɔd wati.” Doone ba fun si a tiŋ nyinbaan digi a kaali ba tɔha.

Mat. 24:15

“Maa nu mu sɛm na nɛnɛ. Koosa witiina naa ba funɛ yir Daniɛl funɛ sɔbi saha digi kundɔŋ kitagin naa kaa nyɛ nara wa na namsi kinkan a li Koosa sɛm tɔn ti ni. Ma zi na unu ka o chiŋi doonani o vɛ lawa o chiŋi,

Mat. 24:25

Maa nu mu sɛm nama nɛnɛ. Mu piin te ŋɔ mau chenani ba zi wa yau.

Mat. 24:38

Saha naa Nowa funɛ kɔɔri o arŋ zen chen, nara maga funɛ nyɛn ba tutɔ nyɛnirɛ. Ba yaa funɛ di diweu a la nyɔ kinyɔɔlɛ ka nibaala kpa haanasa. Ba funɛ ya chene hali a wuzu naa Nowa fun wa peti o arŋ ti a zu o tuha.

Mat. 3:7

Jɔn funɛ na Ju tima ba naa funɛ yir ba titi Farisi tima awa ba naa funɛ yir ba titi Sajusi tim nidamata la wa o wati di o chaksi ba, o fun ŋɔ ba, “Ma naa chi duma. Anti ŋɔ ma di Koosa zi na paanu a du ma ni a lɛrgi ma diŋsa ka ma chɔ?

Luk 17:26

Mu waali ti zi wa chi chenani o fun du Nowa saha tirɛ.

Room 1:17

Koosa biksi yau gbampulim ni a li o laaboor weri ti ni chenani o zi bu vɛ na nibinsa galimsa o wati. Chenani nibinsa se duŋduŋ su un nyɛ o tum chen. Ba fun sɔbi chen wɛ a li o sɛm tɔn ti ni saha digi a ŋɔ, “Nara se su Koosa, o wa zi bu na ba galimsa o wati a kpa o mi fali a nyɛ ba.”

Room 10:6

Amaa ba gbanko funɛ sɔbiu ba naa nyɛ ba se su Koosa wɛ, chen ni o wa zi bu na ba galimsa, a ŋɔ, “Ma ta pɛɛsi ma titi, anti la zi zini a la zu Koosa tɔhɔn ti, chen ni Kristo zi tu wa ma watiu?”

Room 3:22

Koosa wa bu a na ba naa maga se su Yesu Kristo galimsa.

Room 4:11

Koosa wa fun te na o galimsa o si suuli daha ka ba zi teŋ un. Ba funɛ teŋ un, chen biksi nara di Koosa wa piin na o galimsa o si suuli daha. Chendaha ba naa maga Koosa vɛ na ba galimsa o wati ba se suuli daha, ba waa ya Abraham bi lulɛ, hali ba naa ba vɛ teŋsi.

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Room 9:30

Tɔ. Yɛrɛ ya zi sɛm? Ba naa vɛ ya Ju tima wa funɛ dɛu di Koosa wa zi bu na ba galimsa o wati. Amaa ba se funɛ su un. Chendaha o fun ya chen.

Gal. 5:5

Ya titi kpak bambi bɛgim di wuzu digi Koosa wa zi bu na ya galimsa hali o wa peti. O funɛ kpa o siim weri kpok tiu a du ya ni di ya se su un. Chendaha ya koti a pɔ Koosa di o wa ya chen.

Filip. Tima 3:9

Mu daŋni di o wa min zi burgi nibɛgimnɛ hali o wa peti. Mu funɛ tiŋ Koosa chiksɛ ta, o ha funɛ vɛɛn na mu galimsau. Lalaknɔ mu si su Kristo, Koosa wa bu na mu galimsa.

Ju 11:1

Ya naa se su Koosa, ya zimu di wuzu digi o zi wa lisiu a li o kina ni a nyɛ ya. Ya kpak bambi bɛgimu kin nama ya ha vɛ naaliu.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Ju 8:5

Tum naa Ju tim Koosa dam kɔkɔɔrsi ta tum, ya chamsirɛ a li chenani Yesu tum a li Koosa tɔhɔn ti ni ya daha. Mosis funɛ saksi di o du Koosa lɛu ti nyabaan ni saha digi, Koosa funɛ ŋɔ unu, “Doso a du un a chi chenani mu fun biksi hin bi naa ba yir Sainai ni chen”.

1 Pita 3:20

Siimsi nama wa fun tiŋ Koosa nɔ. Ba funɛ nyɛnu saha naa Nowa fun kɔɔri o arŋa saha digi chen. Chen saha ti Koosa kpak ba kanyita, amaa ni funɛ wa su, o fun a yisi nara mɛnasa duŋduŋ ni ti ni.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 2:5

Tɛɛnɛ nɔ tima ba naa funɛ nyɛn saha digi aa tum tum tagna kinkan, o fun a kpa ni a su tɛɛnɛ nɔ maga ba siti. O fun a yisi Nowa di o ŋɔ nara tima ni di ba bur aa tum tum were. Ni ti funɛ wa su, o wa nara banɔpɛ duŋduŋ funɛ nyaŋi a fosi.

2 Pita 3:6

a fun bu kpa ni ti a su tɛɛnɛ maga o chɔk.