Ju 11:4 - Tampulma

⁴ Baal digirɛ ba funɛ yir Abɛl, o se fun su Koosa. Chendaha o kɔɔra naa o fun kpa nyɛ Koosa ni zen a kaali o niinbe Keen kɔɔra. Koosa fun a la o papaha a bu vɛ na o galimsa domi o se su un. Abɛl fun sou, amaa o tuma ha vɛɛn a biksi yau.

Ju 11:4 Σταυροειδείς Αναφορές

Mat. 23:35

Ma nawaalsi ta funɛ te kpu nar ba yir Abel naa nin funɛ vɛ nyɛni chen. Ba funɛ kpu nibin were damatiwa. A gantɛl nɛɛ ba fun kpu Zɛkaraya, Barakaya be, gbanko a dugli bar kɔɔri ti a li Koosa bar jɛɛmi dam ti ni. Koosa zi lɛrgi ma diŋsau a ŋɔ di ma wa dɔ ba naa maga nisa vɛ nyɛni nan sou.

Luk 11:51

Ma nawaalsi ta funɛ te kpu nar ba yir Abɛl a fun wa tiŋ gantɛl a kpu Zɛkaraya gbanko a dugli bar kɔɔri ti a li Koosa bar jɛɛmi dam ti ni. Wutirɛ n ŋɔ ma chen, Koosa zi lɛrgi Ju tima ba naa nyɛn zinan diŋsau a ŋɔ di ba wa dɔ a naa maga siti nan.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

Ju 11:2

Nidamata ba naa funɛ nyɛn saha digi, nyɛ ba se su Koosa a sɔɔni o tuha.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 5:1

Saha digi Koosa fun a lisi o dam kɔkɔɔra a li Ju tim ta ni di o chiŋi ba bar chiŋi ni o suwachak ni. O fun kpa ba papaha a kɔɔri kɔɔra a nyɛ Koosa ni ba tum tagna daha.

Ju 9:22

Ju tim chiksɛ ta biksi ba di ba kpa sela chɛl a chaksi ba kina Koosa suwachak ni. O wa fun koti a yisi ba a li ba tum tagna ni, see ba te yoli sela chɛl ti a dau o suwachak ni.

2 Pita 2:8

Wuzu kam o yaa fun a nau a la nu nara tima tum tagna a naa nyɛ o bambi wi kinkan, wɛ.

Juud 1:11

Yɛrɛ o kaa wa du ba ni? Ba tiŋ chenani Keen fun tiŋ saha digirɛ. Ba waa la tum tum tagna di ba na nyɔɔra a chi Beelim funɛ tum saha digi chen. Ba zi sowu a chi chenani Kɔɔra fun sou chen, domi o funɛ burgi o gantɛlu a chak Mosis saha digi.