Ju 11:1 - Tampulma

¹ Ya naa se su Koosa, ya zimu di wuzu digi o zi wa lisiu a li o kina ni a nyɛ ya. Ya kpak bambi bɛgimu kin nama ya ha vɛ naaliu.

Ju 11:1 Σταυροειδείς Αναφορές

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

1 Kɔr. 13:13

Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

2 Kɔr. 11:17

Ya kunyan ti wa fun biksi ya di ya daŋni sɔna. Womna la daŋni chen duŋduŋ.

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

2 Kɔr. 5:7

Ya wa na ya se ni chenani Koosa zi tum, amaa ya se su di chenani o ŋɔ chen, zi wa ya wutiu.

2 Kɔr. 9:4

Mu wa Masɛdonia nara tima bɔnɛ wa na di ma ha wa ya wu digi, chenani ya se su a li ma ni zi burgi hiisau. Ma gbanko zi na hiisau kinkan.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 10:39

Ya wa ya chen tima. Ya waa wa zi bur gantɛl a li Koosa ni o na ya galimsa a ta ya yɔri. Ya waa se ka zi su unu a la, chen ni wuzu digi o zi wa yisi yau a li ya tum tagna ni hali a wa peti.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Ju 11:27

Chenani o si fun su Koosa nyɛ o vɛ ɔm Ijipt tim koora a yisi Ju tim ta a li dooni. O wa fun a bur nyinbaan ti ni. O funɛ chi o na Koosa naa nandigi vɛ koti a naalirɛ.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 2:3

Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.