Jɔn 9:5 - Tampulma

⁵ Chenani mu nyɛn tɛɛnɛ nɔ maga ni nan, min chi fitina a chaani a nyɛ tɛɛnɛ nɔ tim maga ni.”

Jɔn 9:5 Σταυροειδείς Αναφορές

Mat. 4:16

Ma waa vɛ zim Koosa a la tum tum tagna saha maga. O chi ma nyɛn birsi nɛɛ, amaa lalaknɔ chɔɔsa pisu ma wati.”

Mat. 5:14

“Ma chi nharɛ a chaani tɛɛne maga ni. Ma wa kisogli tɔhɔn naa ba fun sa kuŋkule nyuhu ni.

Luk 2:32

Be nɔ zi nyɛ Ju tima ba naa i lisi a nyɛ i titi ni chen burgi i jirima narau. O gbanko zi chi i fitinau. Waa la zi biksi ba naa vɛ ya Ju tima ba tiŋ i nyinbaan.”

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Tuma 13:47

Ya kunyan ti funɛ lisi sɛm na a li Koosa sɛm tɔn ti ni o biksi ya chenani ya zi tiŋ. Ba funɛ sɔbi a ŋɔ o wɛ, ‘I chi fitinne a chaani nyinbaan ni di ba naa vɛ ya Ju tima chen, na a tiŋ. I daha Koosa koti a yisi tɛɛnɛ nɔ tim maga a li ba tum tagna ni ba tiŋ un.’ ”

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

JɔnN Deesi 21:23

Ba naa funɛ nyɛn dooni wa funɛ nyini nha awa pɛn se ni di a nyɛ ba chaani. Koosa awa piisi be ti jirima awa ba chaani kinkan funɛ nyɛ ba chaani.