Jɔn 9:16 - Tampulma

¹⁶ Farisi tim ta funɛ nu o ta, ba bambe fun purigi. Ba bɔnɛ fun ŋɔ dɔŋ ni, “Naa ya chen wa li Koosa wati, domi o tum ya hiisi wuzurɛ.” Ba bɔnɛ ka fun ŋɔ dɔŋ ni, “Tum tagna nitumi wa koti a tum tum zene a chi nan.”

Jɔn 9:16 Σταυροειδείς Αναφορές

Mat. 12:10

Baal digi funɛ nyɛn doon. O nin fun sou. Ba naa funɛ nyɛn dooni nyini di ba na Yesu galimsa a koti a fiksi un. Ba fun wa pɛɛsi un, “I tiibi nar ya hiisi wuzu, i chɔk ya chi tiuu?”

Mat. 12:2

Farisi tim ta bɔnɛ funɛ na chenani ba tum, ba fun ŋɔ Yesu ni, “Yɛrɛ i gantɛl tiŋsi ta chɔk ya chiili wuzu hiisi ti?”

Luk 13:14

Ba bar lagmi dɛ ti nihɛɛ funɛ na chenani Yesu tiibi haan ti hiisi wuzu ti, o fun na paan. Adaha o fun si a ŋɔ ba naa funɛ nyɛn dooni chen, “Ma ta kpa ma wichɔɔrsa a wa bar nɔ hiisi wuzu di ba na alaafɛ. Ma kpa ba a wa ya tum wuzu bunɔra ta tuhu ni.”

Jɔn 10:19

Farisi tim ta funɛ nu o sɛm ta, ba bambe fun bu purigi.

Jɔn 14:11

Doone Yesu fun ŋɔ o gantɛl tiŋsi ta ni, “Ma nyɛ ma se su di mu nyan ti nyɛn min nɛɛ ka mu ka nyɛn un ni. Nan bɔm ma ni, ma lisi tum zene naa ma na ka mu tum chen. A waa la zi suŋi ma ma se su.

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 2:11

Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Jɔn 5:10

Ju tim ta bɔnɛ fun na chenani Yesu tiibi baal ti a la ŋɔ un, “O ya ya chire wa i chuŋi i kichɔɔli ya hiisi wuzu.”

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 6:52

Ju tim ta funɛ nu chenani Yesu sɛm, ba fun a di dɔŋa amɔrɛ kinkan o sɛm ta mun daha a ŋɔ, “Yɛrɛ baal nɔ kaa ya a kpa o bara a nyɛ ya di ya di?”

Jɔn 7:12

Nidamata funɛ nyumsi a sɛm o wɛ. Bɔnɛ fun ŋɔ di o ya narrɛ. Bɔnɛ ka ŋɔ di o mur narawa.

Jɔn 7:23

Ma daŋni ma tiŋ Mosis chiksɛ ta, ma teŋsi ma bisa hiisi wuzu. Yɛrɛ ma na paan a du min ni mu tiibi nibine ma hiisi wuzu daha?

Jɔn 7:43

Zɛmɛ ta funɛ waligiu Yesu daha.

Jɔn 9:24

Farisi tim ta fun bu yir baal naa bu vɛ nyulumi chen a ŋɔ un, “Baal naa lɛlɛ i se chen ya tum tagna nitumirɛ. Ta nyɛ un jirima, amaa ka nyɛ Koosa wa jirima.”

Tuma 14:4

Tɔhɔn ti tima ba naa funɛ lagmi dooni, a purigi a li chenani ba lisi ni. Bɔnɛ fun nyɛn Ju tim ta wati. Bɔnɛ ka fun nyɛn Pɔɔl awa Barnabas wati.