Jɔn 8:12 - Tampulma

¹² A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Jɔn 8:12 Σταυροειδείς Αναφορές

Mat. 5:14

“Ma chi nharɛ a chaani tɛɛne maga ni. Ma wa kisogli tɔhɔn naa ba fun sa kuŋkule nyuhu ni.

Luk 2:32

Be nɔ zi nyɛ Ju tima ba naa i lisi a nyɛ i titi ni chen burgi i jirima narau. O gbanko zi chi i fitinau. Waa la zi biksi ba naa vɛ ya Ju tima ba tiŋ i nyinbaan.”

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 12:36

Mu ha nyɛn ma wati wuzu bilɛ nan, ma nyɛ ma se su min, chen ni ma nyinbaan zi chaaniu saha maga.” Yesu funɛ sɛm peti, o fun la sogli o titi.

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 3:19

Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Jɔn 9:5

Chenani mu nyɛn tɛɛnɛ nɔ maga ni nan, min chi fitina a chaani a nyɛ tɛɛnɛ nɔ tim maga ni.”

Tuma 13:47

Ya kunyan ti funɛ lisi sɛm na a li Koosa sɛm tɔn ti ni o biksi ya chenani ya zi tiŋ. Ba funɛ sɔbi a ŋɔ o wɛ, ‘I chi fitinne a chaani nyinbaan ni di ba naa vɛ ya Ju tima chen, na a tiŋ. I daha Koosa koti a yisi tɛɛnɛ nɔ tim maga a li ba tum tagna ni ba tiŋ un.’ ”

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

2 Pita 2:17

Nibiksɛ nama chi bugul hulɛwa awa dobaala nawara vɛ kpak dooni. Koosa zi wa kpa bau a du birsa bar nyɛni naa o kpa chiŋsi ba kinkan, niu.

2 Pita 2:4

O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

1 Jɔn 1:6

Ya ŋɔɛɛ di ya wa un ya nibɛgimnɛ ka ya tum birsa tuma, ya suni wɛwa. Ya wa tiŋ wuti nyinbaan.

Juud 1:13

Ba chi chenani peha yaa wa mo ni chene ka ba tum tagna naa nyɛ ba na hiisa a chi ni fukla. Ba chi wula naa nyɛn buudaha ni a gba chene. Koosa zi kpa au a du birsi ni hali saha naa vɛ kpak bɔ.

Juud 1:6

Koosa malaikasa ba naa funɛ vɛ o nɔ a li ba bar nyɛni ni, Koosa fun kpak ba a vɔu birsi bar nyɛni ni wa kpok ni hali wuzu zen naa o zi wa di ba sɛria.

JɔnN Deesi 21:24

Tɛɛnɛ nɔ tim maga zi val o chaani ti niu awa ba koorsa zi kpa ba jirima a wa gbaari un niu.