Jɔn 7:30 - Tampulma

³⁰ Ju tim ta funɛ nu o sɛm ta, ba funɛ daŋni ba kpak un, amaa o kpaki saha ha wa fun tel. Chendaha nandigi wa fun gbaŋsi un.

Jɔn 7:30 Σταυροειδείς Αναφορές

Mat. 12:14

Farisi tim ta fun li kaali aa daŋni nyinbaan chenani ba zi ya a kpu Yesu.

Mat. 21:46

Ba funɛ daŋni ba kpak un, amaa zɛmɛ ta daha hansura fun kpak ba. Zɛmɛ ta yaa lisi di Yesu ya Koosa witinsi ta digirɛ.

Maak 11:18

Doone Koosa dam kɔkɔɔrsi ta awa Koosa chiksɛ nibiksɛ ta fun a nu chenani yɛɛ aa dɛu nyinbaan chenani ba zi ya a kpak Yesu a kpu un. Ba yaa fun a ɔm di ba kpu un, domi o biksi ti yaa fun a ya zɛmɛ ta alaazibu kinkan.

Luk 20:19

Koosa chiksɛ nibiksɛ ta awa Koosa dam kɔkɔɔrsa ta funɛ zimu di Yesu funɛ jɛɛgi jɛɛgi nɔu a nyɛ ba. Ba funɛ daŋni ba vaan kpak un, amaa ba funɛ ɔm nara timawa.

Luk 22:53

N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”

Jɔn 10:31

Ju tim ta funɛ nu o sɛm ta chen, ba fun bukoo pini buŋkula di ba yaksi un.

Jɔn 10:39

Ju tim ta funɛ daŋni ba kpak un, amaa Yesu funɛ fuksi ba nin niu.

Jɔn 11:57

Farisi tim ta awa Koosa dam kɔkɔɔrsi ta fun mɔɔli di naa zim doonani Yesu nyɛn, ba wa ŋɔ ba, chen ni ba zi la kpak unu.

Jɔn 7:19

Koosa chiksɛ naa Mosis fun kpa nyɛ ma nawaalsi ta ni chen, ma wa tiŋ a nɛnɛ. Yɛrɛ ma lisi min a ŋɔ di mu chɔk au a la daŋni ba kpu min?”

Jɔn 7:32

Farisi tim ta funɛ nu chenani zɛmɛ ta nyumsi Yesu wɛ, ba wa Koosa kɔkɔɔrsi ta fun a na dɔŋa a tum lanjimasa di ba la kpak Yesu a wa.

Jɔn 7:6

Yesu fun ŋɔ ba, “Mu si ha wa su di mu zi la lalaknɔu. Ma zi wa la saha naa ma tusa tɔɔriu.

Jɔn 7:8

Maa la a la di wuzu zene ta a li Jɛrusalɛm ni. Mu si ha wa su di mu zi la dooniu lalaknɔ.”

Jɔn 8:20

Yesu funɛ nyɛn doonani nara tima yaa kpa ba malɛ a dau a nyɛ Koosa ni a la biksi ba kin nama. O kpaki saha ha wa fun tel. Chendaha nandigi wa fun gbaŋsi un.

Jɔn 8:37

Mu zim di ma ya Abraham bilulɛwa, amaa ma bɔnɛ daŋni ma kpu minu, domi mu biksi ti wara zu ma diŋsi ni.

Jɔn 8:59

Ju tim ta funɛ nu o sɛm ta, ba fun pini buŋkula di ba yaksi un, amaa Yesu funɛ sogliu a la li Koosa bar jɛɛmi dam ti ni.

Jɔn 9:4

Lalaknɔwa nyinbaan puk a nyɛ ya di yaa tum tuma a nyɛ naa funɛ tum min ni chen. O wa zi vusi ka nyinbaan ti tɔ ya bu vɛ koti a tum wu digi.