Jɔn 7:14 - Tampulma

¹⁴ Wuzu zene ta funɛ wa purigi, Yesu fun la zu Koosa bar jɛɛmi dam ti a biksi nara.

Jɔn 7:14 Σταυροειδείς Αναφορές

Mat. 21:12

Yesu fun la zu Koosa bar jɛɛmi dama ka niyogle awa niyawɛ fun nyɛn dooni. O fun la duŋni ba maga a ta. O fun burgi malɛ nichɛrɛ tima tebulsa a naa funɛ chiŋi dooni, a burgi ba naa la yogli kosa chen kuta a ta,

Mat. 26:55

Yesu fun burgi a ŋɔ zɛmɛ ta ni, “Mu ya ŋmɛɛrrɛ ma kpa chise zene awa daasa di ma wa kpak minn? N yaa fun kaniu a biksi ma a li Koosa bar jɛɛmi dam ti ni ka ma vɛ wa kpak min.

Luk 19:47

O funɛ duŋni ba peti, o fun biksi nara dooni wuzu bilɛ. Koosa dam kɔkɔɔrsi ta, Koosa chiksɛ nibiksɛ ta awa Ju tim nihɛɛti ta funɛ daŋni ba wa kpu un,

Jɔn 18:20

Yesu fun ŋɔ un, “Mu ha wa biksi nara tima a sogli. Mu ka yaa funɛ biksi ba gbampulim nɛɛ a li ba bar lagmi dɛɛni ta awa Koosa bar jɛɛmi dam ti nɛɛ. Doon ma nɛɛ Ju tim ta yaa lagmi.

Jɔn 5:14

A gantɛl nɛɛ Yesu fun wa na un Koosa bar jɛɛmi dam ti ni a ŋɔ un, “Lalaknɔ i na alaafɛu. Ta bu tum tum tagna. I tum a, chenani i zi du zi taginiu a kaali o piili ti ni.”

Jɔn 7:2

Ju tim ta wuzu zene a naa ba yaa fun a yir lɛuwa chen, funɛ wa dugli.

Jɔn 7:28

Yesu yaa fun nyɛn Koosa bar jɛɛmi dam ti ni a biksi nara chene, a fun tɛsi a ŋɔ, “Ma ŋɔ di ma zim minu awa doonani mu li. Mu wa wa mu titi nyuhu nɛɛ. Naa tum min chen, ya wuti tiina ka ma vɛ zim un.

Jɔn 7:37

Wuzu zene ta gantɛl tiŋna funɛ ya a kilɛmlɛm. A wuzu tirɛ Yesu fun si chiŋi zɛmɛ ta suwachak ni a tɛsi a ŋɔ, “Ba naa maga nyɔksa kpak, ma nyɛ ba wa mu wati mu kpa ni a nyɛ ba ba nyɔ.

Jɔn 8:2

Chɔɔsa funɛ wa pisi chɔsa, o fun si a bur kaali Koosa bar jɛɛmi dam ti. O funɛ la tel dooni, zɛmɛ ta fun wa lagmi a go un. O fun kani a biksi ba.

Jɔn 8:20

Yesu funɛ nyɛn doonani nara tima yaa kpa ba malɛ a dau a nyɛ Koosa ni a la biksi ba kin nama. O kpaki saha ha wa fun tel. Chendaha nandigi wa fun gbaŋsi un.