Jɔn 7:1 - Tampulma

¹ A gantɛl nɛɛ Yesu fun a gba Galili pulum aa go. O funɛ zimu di Ju tima ba naa nyɛn Judia pulum ni, dɛu nyinbaannɛ di ba kpu un. Chendaha o fun vɛ daŋni o bur la dooni.

Jɔn 7:1 Σταυροειδείς Αναφορές

Mat. 10:23

Ba muksi ma a li tɔ digi ni, ma li dooni a la bar digi. Wutirɛ n ŋɔ ma, ma wa zi tum ma tum maga a peti a li Ju tim tɔsi ta ni, hali n waa nibine be wa bur wa.

Mat. 21:38

O tumtumsi ta funɛ na o be ti, ba fun a ŋɔ dɔŋ ni, ‘Be nɔ nyana wa sou, o zi la o kina magau. Adaha ma nyɛ ya kpu un, chen ni ka o nyan ti wa sou, o kin ta zi burgi ya kinau.’

Maak 11:18

Doone Koosa dam kɔkɔɔrsi ta awa Koosa chiksɛ nibiksɛ ta fun a nu chenani yɛɛ aa dɛu nyinbaan chenani ba zi ya a kpak Yesu a kpu un. Ba yaa fun a ɔm di ba kpu un, domi o biksi ti yaa fun a ya zɛmɛ ta alaazibu kinkan.

Jɔn 1:19

Wuzu digi Ju tim ba naa nyɛn Jɛrusalɛm ni, fun tum Koosa dam kɔkɔɔrsa awa ba naa ba yir Livait bɔnɛ di ba la pɛɛsi Jɔn, “Hin ya Kristo naa Koosa fun ŋɔ di o kaa tumu wuzu digi chenn?”

Jɔn 4:3

O funɛ zim chenani Farisi tim ta nuu, o wa o gantɛl tiŋsi ta fun si Judia ni a bur a la Galili pulum.

Jɔn 4:54

Chenani Yesu fun tiibi nihɛɛ ti be ti funɛ gbaari o tum zen ti bilɛ tiina a li Galili pulum ti ni.

Jɔn 6:1

Ju tim ta funɛ kaali, Yesu awa o gantɛl tiŋsi ta fun si dooni a bur kaali a la ji Galili bɛɛn ti jibaŋ kinkin ti. O sɔn digi funɛ vɛɛn ya Tibɛrias bɛɛŋa.

Jɔn 7:11

Ju tima ba naa funɛ lagmi dooni, fun a dɛu Yesu a la pɛɛsi dɔŋa o bar nyɛni wɛ.

Jɔn 7:13

Ba maga funɛ ɔm ba nihɛɛtiwa. Chendaha ba vɛ sɛm o wɛ a li gbampulim.

Jɔn 7:19

Koosa chiksɛ naa Mosis fun kpa nyɛ ma nawaalsi ta ni chen, ma wa tiŋ a nɛnɛ. Yɛrɛ ma lisi min a ŋɔ di mu chɔk au a la daŋni ba kpu min?”

Jɔn 7:25

Nara tima ba naa funɛ nyɛn Jɛrusalɛm ni, bɔnɛ funɛ ŋɔ dɔŋ ni, “Baal nɔ laata ba daŋni ba kpu chen?

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Jɔn 8:37

Mu zim di ma ya Abraham bilulɛwa, amaa ma bɔnɛ daŋni ma kpu minu, domi mu biksi ti wara zu ma diŋsi ni.

Jɔn 8:40

Ma bɔnɛ daŋni ma kpu minu, domi mu la ŋɔ ma wuti naa Koosa fun biksi min chen daha. Chen laata Abraham fun du.

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.