Jɔn 5:34 - Tampulma

³⁴ Mu wara nyini chenani nibinsa sɛm mu wɛ se ni. Ma lisi chenani Jɔn sɛm mu wɛ di o suŋi ma, chen ni Koosa zi la ma nyuuna a nyɛ ma.

Jɔn 5:34 Σταυροειδείς Αναφορές

Luk 13:34

Doone Yesu fun burgi a ŋɔ zɛmɛ ba naa funɛ li Jɛrusalɛm chen, “Ma Jɛrusalɛm tima. Ma yaa kpu witinsa ba naa Koosa tum ma wati. Mu yaa daŋniu n kok ma maga bu damata a chi zimi kok o bisa awa o chɛnɛ ni. Amaa ma wara daŋni n kok ma.

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 5:32

Amaa Jɔn naa chaksi nara wa ni ni chiŋɛ mu gantɛl ni. Chenani maga o sɛm nara ni mu wɛ ya wutirɛ. Ma titi funɛ tum nara di ba nu o sɛm ta a bur wa ŋɔ ma.

Jɔn 5:41

“Ma vɛ nyɛ min jirima nan daha mu baga wa to,

Jɔn 8:54

Yesu fun ŋɔ ba, “Mu wara nyɛ n titi wa jirima. Mu titi jirima nyɛɛli ya yɔrirɛ. Mu nyan ti ka yaa kpa o jirima a nyɛ min. O wa naa ma yir Koosa chen ya nibɛgimnɛ.

Room 10:1

Mu niinbisa, mu daŋniu kinkan di Koosa yisi Ju tim ta a li ba tum tagna ni. Muu sumi unu saha maga di o ya chen.

Room 10:21

Amaa o funɛ sɔbi Ju tim ta wɛu di Koosa ŋɔ, “Mu funɛ bɛrigi mu nisau chɔɔsa hali zaazɔn wa tel di ba zi wa mu watiu. Ba se funɛ kpok. Chendaha ba fun vɛ.”

Room 12:21

Ma ta nyɛ tum tagna kpak kpok a kaali ma. Ma nyɛ ma tum were kpak kpok a kaali tum tagna kpok.

Room 3:3

Koosa zi vɛ o vɔwiu domi ba bɔnɛ wa ya wuti timaa?

1 Kɔr. 9:22

Mu wa ba naa se vɛ su Yesu nɛnɛ, wa lagmi, mu yaa burgi ba warɛ, chen ni mu zi suŋi bau di ba tiŋ un nɛnɛ. Chenani nibinsa du, mu gbanko du chene, chen ni mu zi la ba bɔnɛu a nyɛ Koosa ni.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

1 Jɔn 5:9

Ya piinsa nu nara sɛhɛrau. Amaa Koosa be sɛhɛra ti ya kizenzen a kaali nibinsa sɛhɛra kinkan.