Jɔn 5:10 - Tampulma

¹⁰ Ju tim ta bɔnɛ fun na chenani Yesu tiibi baal ti a la ŋɔ un, “O ya ya chire wa i chuŋi i kichɔɔli ya hiisi wuzu.”

Jɔn 5:10 Σταυροειδείς Αναφορές

Mat. 12:10

Baal digi funɛ nyɛn doon. O nin fun sou. Ba naa funɛ nyɛn dooni nyini di ba na Yesu galimsa a koti a fiksi un. Ba fun wa pɛɛsi un, “I tiibi nar ya hiisi wuzu, i chɔk ya chi tiuu?”

Maak 2:24

Farisi tim ta bɔnɛ fun ŋɔ Yesu ni, “Kina, yɛrɛ i gantɛl tiŋsi ta chɔk ya chiili wuzu hiisi?”

Maak 3:4

a ŋɔ nara tima ni, “Ma zim Koosa chiu. Hiisi wuzu ti ma ya chi di ma ya wu werewa a nyɛ nara ni, akoo ma ya chi di ma ya wu tagniwa a nyɛ nara nii? Ma nyɛ nara miisa koo ma kpu nara, o leemawa maa chi?” Ba fun moori.

Luk 13:14

Ba bar lagmi dɛ ti nihɛɛ funɛ na chenani Yesu tiibi haan ti hiisi wuzu ti, o fun na paan. Adaha o fun si a ŋɔ ba naa funɛ nyɛn dooni chen, “Ma ta kpa ma wichɔɔrsa a wa bar nɔ hiisi wuzu di ba na alaafɛ. Ma kpa ba a wa ya tum wuzu bunɔra ta tuhu ni.”

Luk 23:56

Ba fun kaali dama a la kɔɔri kin nawara sɔɔra weree di ba kpa la du o bara ni. Hiisi wuzu ti funɛ wa tel, ba funɛ hiisiu a chi chenani Koosa fun chiŋsi chen.

Luk 6:2

Farisi tim ta bɔnɛ funɛ na chenani ba tum, ba fun ŋɔ Yesu ni, “Yɛrɛ i gantɛl tiŋsi ta chɔk ya chiili wuzu hiisi?”

Jɔn 1:19

Wuzu digi Ju tim ba naa nyɛn Jɛrusalɛm ni, fun tum Koosa dam kɔkɔɔrsa awa ba naa ba yir Livait bɔnɛ di ba la pɛɛsi Jɔn, “Hin ya Kristo naa Koosa fun ŋɔ di o kaa tumu wuzu digi chenn?”

Jɔn 5:11

O fun ŋɔ ba, “Baal naa tiibi min chen, waa ŋɔ min di mu chuŋi.”

Jɔn 5:15

Doone baal ti fun li kaali a la ŋɔ Ju tim ta ni di Yesu funɛ ya naa tiibi un chen.

Jɔn 5:16

Ba funɛ nu di Yesu tiibi baal ti ba hiisi wuzu ti, ba fun wa muksi un kinkan.

Jɔn 7:23

Ma daŋni ma tiŋ Mosis chiksɛ ta, ma teŋsi ma bisa hiisi wuzu. Yɛrɛ ma na paan a du min ni mu tiibi nibine ma hiisi wuzu daha?

Jɔn 9:16

Farisi tim ta funɛ nu o ta, ba bambe fun purigi. Ba bɔnɛ fun ŋɔ dɔŋ ni, “Naa ya chen wa li Koosa wati, domi o tum ya hiisi wuzurɛ.” Ba bɔnɛ ka fun ŋɔ dɔŋ ni, “Tum tagna nitumi wa koti a tum tum zene a chi nan.”