Jɔn 4:6 - Tampulma

⁶ Bugul naa Jakɔb fun hur, chen funɛ nyɛn dooni. Yesu val ti funɛ nyɛ o kuu kinkan. O fun la kani bugul ti nɔ ni nha sal baan nyuha di o hiisi.

Jɔn 4:6 Σταυροειδείς Αναφορές

Mat. 27:45

Nha funɛ wa tel sal baan nyuha, doon fun wa biri a vusi hali saha naa niparɛ yaa par a si chen.

Mat. 4:2

Yesu wa fun di diwe dooni wuzu fumnaasi ka lɔsa fun kpak un kinkan.

Mat. 8:24

Ba funɛ la chene, pe kpok fun wa si aa viigi. O fun a mo arŋ ti kinkan, a teŋ ni a du arŋ ti tuhu ni o daŋni o lim. Amaa Yesu funɛ chɔ dore.

Luk 2:7

amaa dam naa hɔɔra fun nyɛn chen funɛ su wa nara ni. Chendaha o fun lul o tol be nibabichɛla a li sel bar nyɛni nɛɛ. O fun kpa gar a fɔu un a sak a diwe bar diili ni.

Luk 9:58

Yesu fun ŋɔ un, “Helsa nyɛn bɔ ni ka zimebisa nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Jɔn 11:9

Yesu fun ŋɔ ba, “Karifisa kin fidalɛ ya nha chela. Mu chi tɛɛnɛ nɔ tim maga fitinne. Mu nyɛn ma wati, ma wa zi tu bɔsi ni, domi ma nau nɛnɛ.

Jɔn 4:12

Ya nawaal, Jakɔb, funɛ hur bugul nɔ saha digi, chen ni o wa o walɛ awa o sela zi nyɔ o niu. Ya tiŋ gantɛlu a wa pu bugul ti a nyɔ un. I zen a kaali ya nawaal Jakɔbuu?”

Jɔn 4:5

Ba fun wa tel Samaria tɔhɔn naa ba yir Saika. Saika wa ŋmaha naa Ju tim ta nawaal, Jakɔb, fun kpa a nyɛ o be Josɛf ni saha digi wa fun bol dɔŋ ni.

Jɔn 4:7

O gantɛl tiŋsi ta fun li kaali tɔhɔn ti di ba la yau diwe. O funɛ kani a hiisi chene, Samaria tim haan digi fun wa dooni di o dɔ ni. Yesu fun ŋɔ un di o nyɛ un ni o nyɔ.

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.