Jɔn 4:34 - Tampulma

³⁴ Yesu fun ŋɔ ba, “Mu tiŋ Koosa naa tum min chen tutɔrɛ a tum tum naa o nyɛ min a peti, o chi diwe naa mu di chene.

Jɔn 4:34 Σταυροειδείς Αναφορές

Mat. 26:39

O fun la suwachak tama a la pimi tɛɛnɛ ni a sumi Koosa a ŋɔ, “Mu kunyana, mu sumi hinu di o ya i tutɔrɛ i lisi namsi nɔ a li min ni. Nyɛ i tutɔ ti ya a kaali mu tutɔ.”

Mat. 3:15

Yesu fun ŋɔ un, “O deŋlu wa i chaksi min. O ya Koosa tutɔrɛ.” Jɔn funɛ nu o sɛm ta, o fun la nɔɔni a chaksi un.

Mat. 9:19

Yesu wa o gantɛl tiŋsi ta fun si tiŋ un a kaali.

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Luk 2:49

O fun ŋɔ ba. “Yɛrɛ ma dɛu n bar nyɛni? Ma wa zim di o deŋlu wa mu fu nyɛn mu kunyan dam nii?”

Jɔn 17:4

Tum naa i fun kpa nyɛ min di mu tum nyɛ tɛɛnɛ nɔ tim maga na i jirima awa i chaani kinkan. Lalaknɔ o petiu.

Jɔn 19:28

Nan gantɛl nɛɛ Yesu fun zim di o tum petiu. O fun ŋɔ, “Nyɔksa kpak min.” O fun ŋɔ sɛm ta chenani ba fun sɔbi a li Koosa sɛm tɔn ti ni chen zi ya wutiu.

Jɔn 19:30

Yesu funɛ nyɔ un a ŋɔ, “Mu tum petiu.” O fun gur o nyuha a sou.

Jɔn 4:32

O fun ŋɔ ba, “Ma wa zim diwe naa mu kpak a kaa di.”

Jɔn 5:30

“Mu wa kikoti a tum wu digi mu titi nyuhu ni. Koosa yaa biksi min chenani mu zi di nara sɛria. Chendaha mu sɛria diili ya wuti saha maga. Mu wara daŋni mu tiŋ mu tutɔ, amaa naa tum min chen tutɔrɛ mu daŋni n tiŋ.

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 6:33

Waa funɛ tum min a li o tɔhɔn ti ni di mu wa tɛɛnɛ nɔ maga, chen ni nara maga zi na nyinbaanu a la o mi fali naa vɛ kpak bɔ.”

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Jɔn 8:29

Naa funɛ tum min chen, wa gil mu duŋduŋ. Waa nyɛn min ni. Mu yaa tiŋ o tutɔu a la sɔɔni o tuha.”

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.