Jɔn 3:2 - Tampulma

² Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Jɔn 3:2 Σταυροειδείς Αναφορές

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Mat. 23:7

Ba yaa daŋni narawa kizaami ba a li yau ni a kinyɛ ba jirima a kiyir ba nibiksɛ.

Mat. 23:8

Ma ta daŋni sɔn aa nyɛ nara kiyir ma nibiksɛ. Ma maga ya niinbisiwa a kpak nibiksi bɛgim duŋduŋ.

Maak 12:14

Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Jɔn 1:38

Ba funɛ nyɛn nyinbaan ni aa la chene, Yesu fun burgi a na di ba tiŋ un. O fun chiŋi a pɛɛsi ba, “Antirɛ ma daŋni?” Ba fun ŋɔ un, “Ya kunyana, ya dɛu hinnɛ. Leene i nyɛn?”

Jɔn 10:38

Hali ma se vɛ su mu sɛm ta, ma nyɛ ma se su mu tum ta. Ma ya chen, ma zi zim nɛnɛu di mu nyan ti nyɛn min nɛɛ ka mu ka nyɛn un ni.”

Jɔn 12:37

O funɛ tum tum zeneu kinkan a li ba suwachak ni, amaa ba nidamata se wa fun su un.

Jɔn 14:10

Nyɛ i si su di mu nyan ti nyɛn min nɛɛ ka mu ka nyɛn un ni. Chenani mu biksi ma a la tum chen wa li min ni. A maga li mu nyan naa nyɛn min ni watɛɛ.”

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 2:11

Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Jɔn 20:16

Yesu fun ŋɔ un, “Mɛri.” Mɛri fun zer o nyuha a nyini o se ni a ŋɔ “Raboni” a li o titi sɛm ni. Chen mun ya, “mu kunyana”.

Jɔn 3:26

Ba fun wa ŋɔ Jɔn ni, “Ya kunyana, i lisi baal naa funɛ nyɛn i wati a li Jɔɔdan mɔɔga jibaŋ kinkin ti ni awa chenani i fun ŋɔ ya o wɛuu? Nidamata fu zi wa i watiu i chaksi ba, amaa ba ka kaali o watɛɛ di o chaksi ba.”

Jɔn 4:31

Haan ti funɛ nyɛn nyinbaan ni a la o tɔhɔn ti, Yesu gantɛl tiŋsi ta fun sumi un di o zer diwe a di.

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 6:2

Ba funɛ la chene, zɛmɛ kinkan fun tiŋ ba. Ba fun na chenani Yesu fun tum tum zene a tiibi wichɔɔrsi ta.

Jɔn 7:31

Zɛmɛ ta nidamata se fun su un. Ba funɛ ŋɔ dɔŋ ni, “Kristo wa wa, o tum zene zi kaali baal nɔ tum zeneuu?”

Jɔn 9:16

Farisi tim ta funɛ nu o ta, ba bambe fun purigi. Ba bɔnɛ fun ŋɔ dɔŋ ni, “Naa ya chen wa li Koosa wati, domi o tum ya hiisi wuzurɛ.” Ba bɔnɛ ka fun ŋɔ dɔŋ ni, “Tum tagna nitumi wa koti a tum tum zene a chi nan.”

Tuma 10:38

Yesu Nazarɛt narrɛ, Koosa fun lisi un a kpa o siim weri ti a du un ni. Koosa gbanko fun kpa o kpok ti a nyɛ Yesu ni di o tum tum were a yisi ba naa maga sintana fun dɔ a li o nin ni. Koosa funɛ nyɛn o wati. Chendaha o fun koti a ya chen.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.