Jɔn 2:16 - Tampulma

¹⁶ Doone o fun ŋɔ ba naa la yogli kosi ta chen, “Ma kpa a a li bar nɔ. Yɛrɛ ma lisi di ma tumu nan a kpa mu nyan dam ti a burgi yawa?”

Jɔn 2:16 Σταυροειδείς Αναφορές

Mat. 21:12

Yesu fun la zu Koosa bar jɛɛmi dama ka niyogle awa niyawɛ fun nyɛn dooni. O fun la duŋni ba maga a ta. O fun burgi malɛ nichɛrɛ tima tebulsa a naa funɛ chiŋi dooni, a burgi ba naa la yogli kosa chen kuta a ta,

Mat. 21:13

a ŋɔ ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma wa kpa a burgi ŋmɛɛrsa bar kani.”

Mat. 22:5

amaa nara tima ba naa ba kunyan ti fun yir chen, ba baga wa fun nyɛn. Ba nidigi funɛ kaali o ŋmaharɛ, digi ka fun kaali yawa o la yogli kina.

Maak 11:17

O fun vɛɛn biksi nara tima. O funɛ biksi ba chene, o pɛɛsi ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma waa kpa a burgi ŋmɛɛrsa bar kani.”

Luk 2:49

O fun ŋɔ ba. “Yɛrɛ ma dɛu n bar nyɛni? Ma wa zim di o deŋlu wa mu fu nyɛn mu kunyan dam nii?”

Jɔn 10:29

Mu nyana naa zen a kaali kin maga, kpa a a du mu nin ni. O wa zi nyɛ nandigi fuksi a a li mu nin ni.

Jɔn 2:15

O fun a dɛu gagbasa a kɔɔri vurma a duŋni ba naa la yogli nuhɛ ta awa piisisi ta wa ba sela a ta. O fun a burgi malɛ nichɛrɛ tim ta tebulsa gbanko a ta a pisi ba malɛ ta.

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

Jɔn 5:17

O fun ŋɔ ba, “Mu kunyana Koosa tum o tuma saha maga. Mu gbanko tum a chi chenani o tum chene.”

Jɔn 8:49

Yesu fun ŋɔ ba, “Alizin tagin wa kani mu nyuhu ni. Mu nyɛ mu nyan ti jirimarɛ, amaa ma waa ka wara nyɛ min jirima.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.