Jɔn 2:11 - Tampulma

¹¹ Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Jɔn 2:11 Σταυροειδείς Αναφορές

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:17

Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 1:43

Chɔɔsa funɛ pisi Yesu fun kaali Galili pulum a la na baal naa ba yir Filip. O fun ŋɔ un, “Tiŋ min.” Filip fun si a tiŋ un.

Jɔn 1:50

Yesu fun ŋɔ un, “Mu ŋɔ hinu di i funɛ kani i bugil barsɔn nɛɛ, mu zim chenani i bambi du ka i si su min. I wa wa na kizeneu a kaali nan.”

Jɔn 10:41

Nidamata fun wa o wati a ŋɔ dɔŋ ni, “Jɔn wa fun tum tum zene, amaa chenani o fun ŋɔ ya baal nɔ wɛ, chen ya wutirɛ.”

Jɔn 11:15

Mu tuha sɔɔnɛu mu vɛ la dooni, domi chenani o du un ni la zi nyɛ ma se su min a gbaari. Ma nyɛ ya la o wati.”

Jɔn 11:47

Doone Farisi tim ta fun yir Koosa dam kɔkɔɔrsi ta ba lagmi a na dɔŋa a zim chenani ba zi ya. Ba fun ŋɔ dɔŋ ni, “Baal nɔ tum tum zene kinkannɛ.

Jɔn 12:18

Chendaha zɛmɛ ta fun li di ba la chem Yesu. Ba funɛ daŋni ba na naa tum tum zen ti chen.

Jɔn 12:37

O funɛ tum tum zeneu kinkan a li ba suwachak ni, amaa ba nidamata se wa fun su un.

Jɔn 12:41

Azaaya funɛ na Yesu jirima awa chaani kinkanu a chi o deesi. Chendaha o fun sɔbi nan.

Jɔn 14:13

Mu waa naa ya Koosa be, n daŋni narawa yaa kinyɛ mu nyan ti wa jirima. Chendaha kin naa maga ma ŋɔ di mu tum a nyɛ ma a li mu sɔn ni, n zi tum au.

Jɔn 16:27

Mu nyan ti daŋni mau kinkan a la zi ya chen a nyɛ ma. Ma daŋni minu ka ma se su di mu funɛ li o watɛɛ. Chendaha o daŋni ma a chi chen.

Jɔn 16:30

Ya gbanko zimu di i zim kina magau, hali chenani ya lisi ya bambe ni. Chendaha ya se su di i li Koosa watɛɛ a wa ya wati.”

Jɔn 2:1

Wuzu bilɛ gantɛl nɛɛ, baal digi fun kpa haan a li tɔhɔn naa ba yir Kena a li Galili pulum ni. Yesu niina funɛ nyɛn dooni.

Jɔn 2:23

Yesu funɛ di Ju tim ta wuzu zen naa ba yir val la gali ti chen a li Jɛrusalɛm ni, nidamata fun na tum zene naa o tum ka ba se fun su un.

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Jɔn 4:3

O funɛ zim chenani Farisi tim ta nuu, o wa o gantɛl tiŋsi ta fun si Judia ni a bur a la Galili pulum.

Jɔn 4:46

O fun bur kaali Kena a li Galili pulum ni. Doonee o fun nyɛ ni ti burgi sin. Nihɛɛ digi funɛ nyɛn doon. O be fun nyɛn Kapɛrnaum ni a wi.

Jɔn 4:54

Chenani Yesu fun tiibi nihɛɛ ti be ti funɛ gbaari o tum zen ti bilɛ tiina a li Galili pulum ti ni.

Jɔn 5:23

chen ni nara maga zi nyɛ min jirimau a chi chenani ba yaa nyɛ un jirima. Nara vɛ nyɛ min jirima, ba wara nyɛ mu kunyana Koosa naa tum min chen gbanko wa jirima.

Jɔn 6:14

Zɛmɛ naa funɛ di diwe ta, fun na chenani Yesu tum tum zen a nyɛ ba, ba fun ŋɔ dɔŋ ni, “Wutirɛ baal nɔ sir ya witiina naa Koosa fun ŋɔ di o zi wa tumu tɛɛnɛ nɔ maga ni wuzu digi chene.”

Jɔn 6:2

Ba funɛ la chene, zɛmɛ kinkan fun tiŋ ba. Ba fun na chenani Yesu fun tum tum zene a tiibi wichɔɔrsi ta.

Jɔn 6:26

Yesu fun ŋɔ ba, “Wutirɛ n sɛm ma, diwe naa mu dɛ kpa nyɛ ma di ma di puŋ chen, nyɛ ma dɛu mu bar nyɛni. Mu tum zene laata nyɛ ma dɛu mu bar nyɛni.

Jɔn 6:30

Ba fun ŋɔ un, “Te tum tum zen a nyɛ ya ka ya se su hin.

Jɔn 7:31

Zɛmɛ ta nidamata se fun su un. Ba funɛ ŋɔ dɔŋ ni, “Kristo wa wa, o tum zene zi kaali baal nɔ tum zeneuu?”

Jɔn 9:16

Farisi tim ta funɛ nu o ta, ba bambe fun purigi. Ba bɔnɛ fun ŋɔ dɔŋ ni, “Naa ya chen wa li Koosa wati, domi o tum ya hiisi wuzurɛ.” Ba bɔnɛ ka fun ŋɔ dɔŋ ni, “Tum tagna nitumi wa koti a tum tum zene a chi nan.”

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

1 Jɔn 5:13

Mu sɔbi tɔn nɔ a nyɛ ma di ma naa se su Koosa be ti zi zimu di ma kpak Koosa mi fali naa vɛ kpak bɔu.