Jɔn 15:2 - Tampulma

² O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

Jɔn 15:2 Σταυροειδείς Αναφορές

Mat. 13:12

Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Mat. 13:33

Yesu fun bukoo jɛɛgi jɛɛgɛ a ŋɔ ba, “Koosa koor ti chi sinmuna naa nihaan yaa kpa gbaari sau ni o maga fɔsi chen ni.”

Mat. 15:13

Yesu fun ŋɔ o gantɛl tiŋsi ta ni, “Mu nyana naa nyɛn o tɔhɔn ti ni chi nipari yaa du o kina. Wuzu digi o zi wa ŋɔ o tumtumsi niu ba la kpirki kin naa maga o vɛ duuli a ta.

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Mat. 25:29

Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Mat. 3:10

Ma chi bugila naa vɛ nɔnirɛ. Koosa saksɛ o saan zenu di o teŋsi ma a du din ni.

Mat. 3:12

O zi kpak o tundau di o tuk o mɛ a kpa a a du o zuŋkɔr ni, a kpa munzɔta a du din naa nara vɛ koti a dusi ni.”

Mat. 7:19

Bugil naa vɛ nɔn nɔn were, ba yaa teŋ unu a dau a suk din du un ni.

Maak 4:20

Kiduhu naa ka funɛ chesi tɛɛn were ni chen chi ba naa nu laaboor weri ti ka ba bambe kpak un nɛnɛ a wa lulsi fumtotora, fumnɔnɔra, awa kɔkkɔkwa.”

Luk 8:13

Kiduha naa funɛ chesi buŋkul ta tuhu ni chen chi ba naa nu laaboor weri ti ka ba tusa sɔɔni. Amaa laaboor ti wa fun ta lur ta ba ni. Ba funɛ tiŋ tamnɛ, amaa saha naa namsi wa kpak ba chen laaboor weri ti daha, ba vɛ un a bu vɛ tiŋi.

Jɔn 15:1

Doone Yesu fun bu ŋɔ o gantɛl tiŋsi ta ni, “Mu chi bugil pum naa ba yir ‘vain’ chene a kpak wuti. Mu nyan ti chi naa la nyini unnɛ.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 15:3

Chene o fun piin ya a chaksi ma tusa a li mu sɛm nawara mu fun sɛm ma ni.

Jɔn 15:6

Ma ya chen, mu nyan ti zi teŋsi mau a ta ma sou. Nara zi wa haasi ma a lagmi dɔŋ ni a fu.

Jɔn 15:8

Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

Jɔn 17:12

Mu wa ba lagmi nyɛn dɔŋ wati nan, i kpokre mu fun kpa a nyini ba. Ba nibɛgim duŋduŋ ya nibin yɔri a fun lisi o nin a li ya ni. Chenani ba fun sɔbi o wɛ a li Koosa sɛm tɔn ti ni chen ya wutirɛ.

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.

Room 11:22

Maa lisi chenani Koosa kpok awa bɔnɛ ni a kpak siki wa bɔnɛ ni. O funɛ kpoku wa ba naa chel chen ni, amaa o kpak ma sikiu. Ma nyɛ o kpak ma siki aa la. Ma ta nyɛ o wa teŋ ma a taali.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

1 Kɔr. 13:1

Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

JɔnN Deesi 3:19

Mu zulimi ba naa maga mu daŋni a biksi ba ba tum tagna. Ma gil chenani ma funɛ tum a kpak si sɛm awa mu tiŋi ni.