Jɔn 13:5 - Tampulma

⁵ Doone o fun yoli ni a du katɛsa ni a funɛ sɛm o gantɛl tiŋsi ta naŋgere a kpa bara kifiisi ti a fiisi ba naŋgere ta.

Jɔn 13:5 Σταυροειδείς Αναφορές

Luk 7:38

O fun wa gbiri Yesu chakpal ni. O fun a wi ka o sini chesi a pɔr Yesu naŋgere. O fun kpa o nyuk ziŋɛ a fiisi a a hul. O fun mɔksi a a biti nu naa sɔɔra weree a du o naŋgere ta ni.

Luk 7:44

Kina haan nɔ nyɛn bar nɔ. N funɛ wa zu i dam ti, i wa fun kpa ni a nyɛ min di n sɛm n naŋgere, amaa waa ka funɛ kpa o sini a sɛm mu naŋgere ta a fiisi a a hul awa o nyuk ziŋɛ ta ni.

Jɔn 13:10

Yesu fun ŋɔ un, “Nar sɔ ni, chene i bara maga wer, amaa i ka val la bar digi, i naŋgere duŋduŋnɛ i yaa sɛm.” Doone o fun burgi a ŋɔ o gantɛl tiŋsi ta ni, “Lalaknɔwa ma maga bambe wer, amaa ma nibɛgim bambi vɛ weri.”

Jɔn 13:6

O fun wa pu Simɔn Pita. O fun pɛɛsi un, “Mu kunyana, o wa deŋli wa i sɛm mu naŋgere.”

Jɔn 13:8

Pita fun ŋɔ un, “Mu wa zi kut nyɛ i sɛm mu naŋgere.” Yesu fun ŋɔ, “I vɛ nyɛ mu sɛm a, i wa zi bu ya mu gantɛl tiŋsi ta digi.”

Jɔn 19:34

Lanjimasi ta nidigi fun kpa o tim a tau o lɔgum hɛna. O funɛ tau un chen, chɛl awa ni funɛ li.

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 5:6

Yesu Kristo funɛ wa tɛɛnɛ nɔ maga, ba wa fun chaksi un wa ni duŋduŋnɛ. Ba funɛ vɛɛn a kpu unu a gbaari ka o chɛl li. Koosa siim weri naa ya wuti tiina, waa ya sɛhɛra a li o chaksi awa o kpuuli ti ni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.