Jɔn 10:5 - Tampulma

⁵ A yaa tiŋ o duŋduŋnɛ. Nandigi wa te a suwachak, a zi pisiu domi a vɛ zim o ta daha.”

Jɔn 10:5 Σταυροειδείς Αναφορές

Maak 4:24

“Maa nu chenani n kaa ŋɔ ma nan. Ma doso a nu mu sɛma a gbaari, Koosa zi suŋi mau ma zim a gbaari.

Luk 8:18

“Ma doso a kinu mu biksi nɔ nɛnɛ. Nar la nu nɛnɛ, Koosa zi suŋi unu o zim a gbaari. Nar ka vɛ nu nɛnɛ, tam naa o zim chen, Koosa zi yisi au o wati.”

Jɔn 10:16

Piisi bɔnɛwa mu dɔ ka a nyɛn bar digi ni. O lawa mu la a nu mu tau, chen ni a zi tiŋ minu. A wa mu piisisi ta lagmi dɔŋ ni, chen ni a zi ya kibɛgimu ka nigbaŋi bɛgim kinyini a.

Jɔn 10:4

O wa a wa li, a yaa tiŋ o mun nee domi a zim o ta daha.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.