Jɔn 10:1 - Tampulma

¹ Doone Yesu fun jɛɛgi jɛɛgi a ŋɔ ba, “Maa nu mu wati nɛnɛ. Nandigi zu piisisa bol dusum a vɛ tiŋ bol zɔɔnɔ a zuuli, ma zim di o ya ŋmɛɛrrɛ.

Jɔn 10:1 Σταυροειδείς Αναφορές

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Jɔn 10:7

Nan daha, Yesu fun bukoo ŋɔ ba, “Maa nu mu wati nɛnɛ. O chi di min ya bol zɔɔnɔ ti.

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Room 10:15

Koosa fu vɛ tum nandigi, anti fu zi koti a biksi nara tima o wɛ? Ma zim chenani ba fun sɔbi a li Koosa sɛm tɔn ti ni a ŋɔ, “Ba naa la gba a la mɔɔli Koosa laaboor weri ti, ba waali weru kinkan.”

Room 16:18

Nara nama ba naa la tum nan, ba wara tum a nyɛ ya kunyana Kristo nɛɛ. Ba titi daŋnɛ tum tagniwa baa tum, a ŋɔ sɛm were a pɛgi nara wa ba nyina ni aa mur ba naa vɛ ili.

Tait. 1:11

Ba biksi tagna a naa lawa ba ta biksi, waligi narawa awa ba walɛ a ta a li Koosa nyinbaan wuti ti ni. Chendaha i ŋɔ ba di ba gil ba muri. Ba gbanko biksi chene di ba na malɛ.

Ju 5:4

Nandigi wa fun lisi o titi di o ya Koosa dam kɔkɔɔra, chen ni nibinsa zi nyɛ un jirimau. Koosa duŋduŋ lisi un, a chi chenani o fun te lisi Ɛrɔn saha digi chen.

1 Pita 1:10

Saha digi Koosa witinsa funɛ biksi nara chenani o zi suŋi ma a ya chen.

2 Pita 2:1

Witinsa ba naa funɛ vɛ zim Koosa, fun wa biksi Ju tima saha digi. Nibiksɛ ba naa vɛ zim un gbanko zi lagmi ma niu a sogli a biksi ma. Ba biksi naa vɛ ya wuti a la chɔk, wa tɔ ya kunyana naa siwɛɛ ba daha. Chendaha Koosa zi wa chɔk bau lalaga.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.