Jɔn 1:4 - Tampulma

⁴ Koosa miisa naa vɛ kpak bɔ nyɛn un ni. Nara wa la o miisi ti, ba wa bu a nyɛn birsi ni. Ba zi nyɛn nha nɛɛ.

Jɔn 1:4 Σταυροειδείς Αναφορές

Mat. 4:16

Ma waa vɛ zim Koosa a la tum tum tagna saha maga. O chi ma nyɛn birsi nɛɛ, amaa lalaknɔ chɔɔsa pisu ma wati.”

Luk 2:32

Be nɔ zi nyɛ Ju tima ba naa i lisi a nyɛ i titi ni chen burgi i jirima narau. O gbanko zi chi i fitinau. Waa la zi biksi ba naa vɛ ya Ju tima ba tiŋ i nyinbaan.”

Jɔn 11:25

Yesu fun ŋɔ, “Min ya naa la zi koti a lɛli nara a li ba sou ni a nyɛ ba bu kpak miisa. Naa si su min ka o sou, mu zi ya chenu a nyɛ un.

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 3:19

Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Jɔn 5:26

Mu nyan ti kpak o mi fali naa vɛ kpak bɔ kpok. O funɛ kpa o mi fali kpok tiu a nyɛ mu gbanko ni.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Jɔn 9:5

Chenani mu nyɛn tɛɛnɛ nɔ maga ni nan, min chi fitina a chaani a nyɛ tɛɛnɛ nɔ tim maga ni.”

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

Ɛfɛ. 5:14

Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Kɔl. 3:4

Saha naa Kristo naa nyɛn ma ni, wa bur wa tɛɛnɛ nɔ maga, ma wa un zi wa lagmi dɔŋ niu a bɔni o jirima awa o chaani kinkan.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

1 Jɔn 1:2

Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.

1 Jɔn 5:11

Koosa sɛhɛra ti nɛɛnɛ. Waa funɛ kpa o mi fali naa vɛ kpak bɔ a nyɛ ya. Nan mi fali nɔ nyɛn o be ti nin ni.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:16

“Min, Yesu, funɛ tum mu malaika di o mɔɔli kin nama maga a nyɛ ba naa maga la tiŋ min ni. Min ya koor Devid be luli. Mu chaani kinkan chi chau wul.”