Jɔn 1:34 - Tampulma

³⁴ Yesure mu fun na ka Koosa siim weri ti tu wa a zɔŋ o nyuhu ni. Wutirɛ mu ŋɔ ma di o ya Koosa bere.”

Jɔn 1:34 Σταυροειδείς Αναφορές

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 26:63

Yesu fun moori. O fun ŋɔ un, “Mu daŋni i hɛɛsi Koosa naa nyɛn nan daharɛ a sɛm min wuti. I laata ya Koosa be, Kristo tii?”

Mat. 27:40

“Hin funɛ ŋɔ di i zi chɔk Koosa bar jɛɛmi dam ti a bur sa un wuzu butora chen niuu? I sir ya Koosa bere, yisi i titi a tu wa daakakli ti ni ya na.”

Mat. 27:43

O ŋɔ di o ya Koosa bere ka o si su un. Ma nyɛ ya na Koosa baga nyɛn di o wa yisi un lalagau.”

Mat. 27:54

Lanjimasa kɔkwa nihɛɛ awa o lanjimasa ba naa funɛ chiŋi bɔnɛ a il Yesu, ba funɛ na tɛɛnɛ zigsɛɛ awa chenani maga yɛɛ, hansura fun kpak ba kinkan. Ba funɛ sɛm dɔŋ ni, “Wuti baal nɔ sir ya Koosa bere.”

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Mat. 4:6

a ŋɔ un, “I sir ya Koosa be, li mampil nɔ nyuhu ni a chel tɛɛnɛ ni. I zim di ba funɛ sɔbiu a li Koosa sɛm tɔn ti ni a ŋɔ, ‘O malaikasi ta go hinu. O zi ŋɔ au di a kpa a nisa a chak hin, chen ni i chiksi tɛɛnɛ ni, i naŋgere wa zi huusi.’ ”

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Maak 1:1

Koosa laaboor weri piili nɛɛnɛ. O ya o be Yesu Kristo wɛwa.

Maak 1:11

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 3:22

ka o na Koosa siim weri ti. O funɛ chi komne a tu wa a zɔŋ un ni. Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 1:49

Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Jɔn 10:30

Mu wa mu nyan ti ya nibɛgimnɛ.”

Jɔn 10:36

Mu nyan ti funɛ lisi min a tum min tɛɛnɛ nɔ maga ni. Mu ŋɔ ma di mu ya o bere, yɛrɛ ma ŋɔ min di mu pini o zomwa?

Jɔn 11:27

O fun ŋɔ un, “Mu kunyana, mu si su chenu. Mu gbanko si su di hin ya Koosa be awa Kristo naa o fun ŋɔ di o zi tumu tɛɛnɛ nɔ maga ni saha digi chen.”

Jɔn 19:7

Zɛmɛ ta fun ŋɔ un, “Ya chiksɛ ta biksi ya di o sou, domi o kpa o titirɛ a burgi Koosa be.”

Jɔn 20:28

Tɔmas fun ŋɔ un, “Hin ya mu kunyana Koosa.”

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 6:69

ka ya se su a. Ya zimu di i ya Koosa tu chaan tiinnɛ.”

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

2 Kɔr. 1:19

Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

Ju 7:3

Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.

1 Jɔn 2:23

Naa vɛ la nɔɔni di Yesu ya Koosa be, o gban vɛ Koosau. Naa la nɔɔni wa Koosa be wɛ, o vɛɛn zim o kunyana Koosau.

1 Jɔn 3:8

Ba naa maga la tum tum tagna, ba ya sintana bisiwa. Sintana funɛ tum tum tagnau a li piili ti ni hali wa zinan. Chendaha Koosa fun nyɛ o be wa tɛɛnɛ nɔ maga a wa chɔk sintana tuma.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.

JɔnN Deesi 2:18

“Sɔbi kin nama a la nyɛ naa la nyini Yesu nitiŋɛ ta a li Tiataya ni. “Mu waa naa Koosa be ka mu se sɛri a chi din a la chɛr nara se ka mu naŋgere sɛri ti funɛ chi sulminne ba kpa kɔɔri kina a lili kinkan, ma nu chenani mu kaa ŋɔ ma.