Jɔn 1:10 - Tampulma

¹⁰ Yesu Kristo funɛ wa nyɛn tɛɛnɛ nɔ nɛɛ. Koosa fun nyɛ o naami un awa kin naa maga nyɛn un ni, amaa tɛɛnɛ nɔ nara wa fun zim nibine naa ya un.

Jɔn 1:10 Σταυροειδείς Αναφορές

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

Jɔn 1:11

O funɛ wa nyɛn o sɛmbiri nara watɛɛ, amaa ba nidamata wa fun la un.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 1:3

Koosa fun nyɛ o naami tɛɛnɛ awa buudaha awa kin naa maga nyɛn a ni. Kin magawa Koosa fun nyɛ o naami.

Jɔn 1:5

O miisi ti chi fitinne a chaani birsi ni. Birsi ti wa koti a dusi un.

Jɔn 17:25

Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

Jɔn 5:17

O fun ŋɔ ba, “Mu kunyana Koosa tum o tuma saha maga. Mu gbanko tum a chi chenani o tum chene.”

Tuma 14:17

Tum were naa o yaa tum a nyɛ ya chen biksi ya chenani o du. Waa nyɛ doon mi ya kiparɛ bi, chen ni ya zi na diwe a di wa tu sɔɔni.”

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

Kɔl. 1:16

Koosa fun nyɛ o naami kin nawara maga nyɛn tɛɛnɛ nɔ maga awa buudaha ni, kin naa ya na awa a naa ya vɛ naali, siim maga awa kpok maga, a magwa o fun a naami a nyɛ o titi ni.

Ju 11:3

Koosa funɛ sɛm a naami tɛɛnɛ nɔ maga, o fun kpa kin nawara ya vɛ koti a naali, a naami kin naa ya koti a na. Chenani ya se su di Koosa funɛ ya nan, biksi ya di o ya wutirɛ.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.