Jɔn 1:1 - Tampulma

¹ O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

Jɔn 1:1 Σταυροειδείς Αναφορές

Mat. 1:23

O fun ŋɔ di, “Butowe naa vɛ zim nibaal o zi wa kpak lo a lul nibabichɛla. Ba zi wa yir unu Imanuɛl. Sɔn ti mun ya, ‘Koosa nyɛn ya wati’.”

Luk 24:53

Ba yaa fun la pɛgi Koosau a li o bar jɛɛmi dam ti ni o daha.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 1:2

O piili ti ni aa la, Yesu Kristo funɛ nyɛn Koosa se ni.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Jɔn 20:28

Tɔmas fun ŋɔ un, “Hin ya mu kunyana Koosa.”

Jɔn 8:58

Yesu fun ŋɔ ba, “Maa nu chenani mu kaa sɛm ma. Mu funɛ piin nyɛnu ka ba zi lul Abraham.”

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

Ɛfɛ. 3:9

Koosa gbanko funɛ lisi min di mu biksi nara maga nyinbaan naa Koosa tutɔ ti tiŋ. Waa funɛ naami kina maga, a kpa o tutɔ ti a sogli o piili ni,

Filip. Tima 2:6

O du chenani Koosa durɛ saha maga, amaa o wa fun saksi di o kpak un kpok.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Kɔl. 1:17

Waa funɛ te a nyɛn kina maga ni. O kpok ti daha, a nama maga ha vɛɛn nyɛn hali wa zinan.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 13:8

Yesu Kristo naa funɛ nyɛn ba ni a nyɛn ya ni, ya nibɛgimnɛ. O wa zi chɛrgi hali saha naa vɛ kpak bɔ.

Ju 7:3

Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

1 Jɔn 5:7

Adaha sɛhɛrasa tora nyɛnɛɛ,

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”

JɔnN Deesi 1:17

Mu funɛ na un, mu fun chel tɛɛnɛ ni a chi mu siwɛɛ. O fun wa pu min a kpa o nindil a gbaŋsi min a ŋɔ, “Ta ɔmi. Mu vɛ kpak piili a nyɛn a vɛ kpak peti.

JɔnN Deesi 1:2

Mu funɛ kpa Koosa sɛmau, chenani Yesu Kristo biksi ya o titi wɛ awa kin naa maga mu fun na a nu a sɔbi a dau bar nɔ.

JɔnN Deesi 1:8

Koosa funɛ nyɛn a ha vɛɛn nyɛn, o zi nyɛnu. O waa naa kpak kina maga kpok, ŋɔ, “Mu vɛ kpak piili a nyɛn a vɛ kpak peti.”

JɔnN Deesi 19:13

Takta ziŋi naa o fun laari chen maga fun tɔ wa chɛl ni ka ba yir un ‘Koosa laaboor weri ti’.

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:13

Mu vɛ kpak piili a nyɛn a vɛ kpak peti.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.