Jems 1:27 - Tampulma

²⁷ Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

Jems 1:27 Σταυροειδείς Αναφορές

Mat. 12:32

Nara pini n waa nibine be, Koosa zi koti a gil chen a nyɛ bau. Nara ka pini Koosa siim weri ti, Koosa wa zi gil chen a nyɛ ba, hali saha naa vɛ kpak bɔ.”

Mat. 5:8

Ba naa kpak tu chaan Koosa wati, o zi nyɛ ba na unu a nyɛ ba tu sɔɔna.

Luk 1:6

O wa o haan ti funɛ ya nibin werewa aa tiŋ Koosa chiksɛ nɛnɛ.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 3:11

Ya zimu nɛnɛ di nar tiŋ Koosa chiksɛ ta duŋduŋ, Koosa ha zi vɛɛn na o galimsau. Ba fun a bukoo sɔbi a li Koosa sɛm tɔn ti ni, “O wa zi bu na ba naa se su un galimsa, a kpa o mi fali ti a nyɛ ba.”

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Tim. 5:4

Amaa luhaan kpak niisisa akoo bisa, ba nyini un a bɔ chenani ba nyana awa ba niina fun ya nyɛ ba. Chene ba zi tiŋ Koosau ba dam ni a sɔɔni o tuha.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.

Jems 3:9

Ya kpa ya zulimiwa a sɛm sɛma a la pɛgi ya kunyana Koosa, ka vɛɛn a ŋɔ nɔɔsa a nyɛ ba naa Koosa fun naami a chi o titi.

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.