Ɛfɛ. 6:8 - Tampulma

⁸ Ma zimu di ma ya nibin hiise akoo ma ya yosa a tum tum were a nyɛ un, o zi wa bɔ ma chimu.

Ɛfɛ. 6:8 Σταυροειδείς Αναφορές

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 20:7

Ba fun ŋɔ un, ‘Nandigi wa kpa ya a la o ŋmaha.’ O fun bukoo ŋɔ ba, ‘Ma gban kila n ŋmaha a la par.’

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Mat. 6:1

“Ma tum tum were a nyɛ nara ni, ma ta nyɛ a li gbampulim nara maga naali. Ma tum chen, ma wa zi na papaha a li ma kunyan Koosa naa nyɛn o tɔha ti ni.

Mat. 6:4

Ma tum tum were a duŋduŋ, ma kunyan Koosa naa na chenani maa tum, o zi nyɛ ma o papahau.”

Luk 14:14

Ba wa kpak nyinbaan a la zi bɔ hin chenani i ya ba chen. Chenani i suŋi ba zi nyɛ i tuha sɔɔniu. Tɛɛnɛ nɔ maga siili wa tel ka Koosa wa lɛli niwere ta a li ba sou ni, o zi wa bɔ hin i chimu i tim were daha.”

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

Kɔl. 3:25

Ba naa la tum tum tagna, ba zi wa na bɔ tau a li ba tum tagna tumi ni. Koosa wa zi wa bɔ ba naa la tum tum tagna bɔnɛ a ka bɔnɛ.

Ju 10:35

Maa tiŋ nɛnɛ a chi chenani ma fun a tiŋ saha digi chen a ta bur gantɛl. Ma ya chen, Koosa zi wa bɔ ma ma chimu kinkan.

Ju 11:26

O funɛ zimu di wuzu digi Koosa zi wa bɔ un o chimu. Chendaha o fun lisi di Ijipt tima pini o zoma a nyɛ o na namsi naa Koosa zi wa tum wuzu digi daha, chen fu bɔɛɛ wa o dɔ Ijipt tim wu were maga.