Ɛfɛ. 6:5 - Tampulma

⁵ Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.

Ɛfɛ. 6:5 Σταυροειδείς Αναφορές

Mat. 6:22

“Ma se nyɛ ma bara la doonani ma daŋni. Ma se weree ma zi na nyinbaanu. Chen vɛɛna, ma tusa weree, ma zi tiŋ Koosa nyinbaanu nɛnɛ,

Mat. 6:24

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

Mat. 8:9

N kpak nihɛɛ zeneu ba naa la zi ŋɔ min chenani mu tumu. N gbanko kpak lanjimasa ba naa n zi ŋɔ di ba tum tumau. N yaa ŋɔ digi ni di o la. O kaali. N yaa ŋɔ digi ni, kuwa. O wa. N yaa ŋɔ n yom ni, tum nan. O tum chen.”

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Room 9:3

Mu fu koti a chiŋi ba bar chiŋi ni a nyɛ Koosa ŋɔ nɔ a nyɛ min a waligi min a li Kristo ni, mu fu zi ya chenu.

1 Kɔr. 2:3

Mu funɛ nyɛn ma wati, mu wa fun kpok. Mu funɛ a ɔmu kinkan, ka mu bara vɛɛn a jigiri.

1 Kɔr. 7:22

Domi nibine naa ya yoma ka ya kunyan ti yir un, o ya nibine naa dɔ o titirɛ o wati. Nibine naa dɔ o titi ka ya kunyan ti yir un, o ya Kristo yomne.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 7:15

O lisi chenani ma fun la un a du a kpa ma titi a nyɛ un a saksi di ma tiŋ o nɔ. Lalaknɔ oo daŋni mau a gbaari chen daha.

Ɛfɛ. 5:22

Nihaana, ma la nɔɔni a nyɛ ma baalasi ni a chi chenani ma la nɔɔni a du Koosa ni chen.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Filip. Tima 2:12

Mu bi daŋnɛ, mu funɛ nyɛn ma wati, ma funɛ tiŋ mu nɔu. Lalaknɔwa mu vɛ nyɛn ma wati, waa ya kibirigi wa ma ha vɛɛn tiŋ mu sɛm ta nɛnɛ. Saha maga maa nyɛ Koosa wa jirima kinkan aa kitum chenani deŋlee a chi ba naa Koosa yisi a li ba tum tagna ni.

Faili. 1:16

Lalaknɔ o wa bu ya yoma kinkan. O ya ya niinbe daŋnirɛ. Mu daŋni unu kinkan. Lalaknɔ i zi daŋni unu a kaali min domi o ya i yomne ka o si su ya kunyana.

1 Pita 3:2

amaa ma tu chaana awa chenani ma nyɛ un jirima daha.