Ɛfɛ. 5:32 - Tampulma

³² Mu zimu di nan bɔmu wa ma zim o mun. O biksi ya di Yesu Kristo awa o nitiŋɛ ta ya nibɛgimnɛ.

Ɛfɛ. 5:32 Σταυροειδείς Αναφορές

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

Ɛfɛ. 5:31

Ba fun sɔbi a li Koosa sɛm tɔn ti ni a ŋɔ, “O weru di nibaal gil o nyana awa o niina a kpa haan, chen ni o wa haan ti zi ya nibɛgimu.”

Ɛfɛ. 5:33

O gbanko biksi ya di nibaala kidaŋni ba haanasa a chi chenani baa daŋni ba titi ka nihaani ta kinyɛ ba baalasa wa jirima.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 3:8

O lawa Yesu nitiŋɛ nisuŋɛ kpak nara jirimau a tum ba tuma a li ba bambe ni. Ba gbanko ta nyɔ sin a dɛɛsi a kidaŋni ba ya malɛ tima.

JɔnN Deesi 21:2

Mu gbanko fun na Koosa tɔhɔn naa o fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga. Ba funɛ yir un Jɛrusalɛm fali, domi o funɛ naami unu di o chiŋi kibuni ti bar chiŋi ni. O funɛ chi chenani nihaan yaa saksi di o yu baal chene.