“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya se tima.
Koosa zi wa nyɛ o ya nibin zenu o se ni. O wa zi wa nyɔ sin kpok, ka Koosa kpa o siim weri a du un ni. Saha naa ba zi wa lul un a kpa la, Koosa siim weri ti zi wa si un niu.
Ma ya nibin tagna, amaa maa zim chenani ma zi kpa kiwere a nyɛ ma bisi niu. Ma kunyan Koosa naa nyɛn o tɔhɔn ti ni, waa kaali ma a kpa o siim weri ti a nyɛ ba naa la sumi un ni.”
Amaa tumtum naa o lisɛ chen vɛ ya wuti tiina, o titi niu di o kunyan ti zi vusiu. Adaha o zi tuk o daŋ tumtumsi ta. O gbanko zi la lagmi ba naa nyɔ sin a dɛɛsiu a di diwe.
“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.
“Nara yir ba dɔŋtima di ba lagmi a di diwe, ba yaa te kpa sin lɛmnɛ a nyɛ ba di ba nyɔ. Ba wa nyɔ sin lɛm ti puŋ, dam ti bisa yaa kpa sin tagin tirɛ a wa gbaari ba. Amaa ba wa kpa sin lɛm tirɛ a tiŋ gantɛl.”
Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.
Amaa mu funɛ sɔbiu a nyɛ ma a ŋɔ di nibine daŋni nihaana yɔri yɔri a daŋni malɛ a burgi o kina a jɛɛmi vuga a chɔk nara sɔna a nyɔ sin a dɛɛsi a ŋmɛ a la yir o titi Yesu nitiŋi a la ya nan, ma ta nyɛ ma wa n lagmi hali a di diwe.
a la ŋmɛ, a kpa malɛ a burgi ba kina, a la nyɔ sin a dɛɛsi, a la chɔk nara sɔna a la fuksi nara a la kpaksi nara kina kpok ni, ba nidigi wa kikoti a zu Koosa koor ti.
