Ɛfɛ. 5:14 - Tampulma

¹⁴ Doonani nha nyɛn, birsa wa dugli dooni. Nandigi funɛ ŋɔ, “Ma naa la chɔ birsi ni nan, ma si a li ma sou ni, chen ni Yesu Kristo zi chaani ma niu.”

Ɛfɛ. 5:14 Σταυροειδείς Αναφορές

Luk 1:78

Ya kunyan Koosa ya jɛrgi tiina a kpak ya siki. Chenani o daŋni o yisi ya a li ya tum tagna ni chi nha yaa yɛli chene.

Luk 15:24

N funɛ baa di n be nɔ sowu, amaa o ha vɛɛn nyɛnu. Mu funɛ nyuksi unu, amaa lalaknɔ mu na unu.’ O fun kpa o be ti wa di ba lagmi a di diwe.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Jɔn 9:5

Chenani mu nyɛn tɛɛnɛ nɔ maga ni nan, min chi fitina a chaani a nyɛ tɛɛnɛ nɔ tim maga ni.”

Tuma 13:47

Ya kunyan ti funɛ lisi sɛm na a li Koosa sɛm tɔn ti ni o biksi ya chenani ya zi tiŋ. Ba funɛ sɔbi a ŋɔ o wɛ, ‘I chi fitinne a chaani nyinbaan ni di ba naa vɛ ya Ju tima chen, na a tiŋ. I daha Koosa koti a yisi tɛɛnɛ nɔ tim maga a li ba tum tagna ni ba tiŋ un.’ ”

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Ɛfɛ. 2:5

a fun wa na ya ka ya yaa chi nisitɛ ya tum tagni ta daha. O fun yisi ya a li ya tum tagna ni di ya tiŋ un o lɛli ya a li ya sou ni a chi chenani o fun lɛli Yesu Kristo chen. Koosa funɛ suŋi yau kinkan a la gali chen ni.

Kɔl. 3:1

Koosa funɛ lagmi lɛli ma wa Kristo a li ma sou ni. Chendaha ma nyɛ ma bambe kilisi Koosa tɔhɔn ti kina wɛ. Kristo kanɛ Koosa nihɛɛ bar kani ni dooni.

1 Tɛs. 5:6

O wa werwa ya chɔ do a chi ba naa vɛ zim Yesu la chɔ do chen. Ma nyɛ ya si a si chiŋi a ta zɔɔli a chi ba naa nyɔ sin aa dɛɛsi.

2 Tim. 1:10

Doone o fun tum o be Yesu Kristo di o wa lisi ya a li ya tum tagna ni yaa tiŋ un. Nan biksi ya di o ya Koosa tutɔrɛ o suŋi ya. Kristo funɛ sou a li o daakakli ti ni, o fun a nyaŋi sou. Waa funɛ kpa Koosa laaboor weri naa funɛ sogli chen a biksi ya o mi fali naa vɛ kpak bɔ, wɛ.

2 Tim. 2:26

Ba ya chen, ba zi bur wa ba nɛsa niu a koti a chɔ a li sintana naa funɛ kpak ba a mo ba lo di ba tiŋ o nɔ ni.