Ɛfɛ. 4:31 - Tampulma

³¹ Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Ɛfɛ. 4:31 Σταυροειδείς Αναφορές

Tuma 21:30

Ba naa funɛ dam chen nidamata fun pisi a su tɔhɔn ti maga. Ba naa funɛ ka a vɛ li dam ti tuha fun chɔ la lagmi dɔŋ ni a li doonani ba kpak Pɔɔl chen a suŋi ba ba lɛrgi un a li sal. Nara tima wa Pɔɔl fun kaali, ba naa la il Koosa bar jɛɛmi dam ti fun vaan far bulzɔɔnɔ.

Room 3:14

Ba ŋɔ nɔrɛ a nyɛ nara ni wa tuha sa ni.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 5:8

Yaa tiŋ Yesu, o wa werwa ya bur a tum ya titi tum bunɛ a lisi lise tagna a kitum tum tagna. Ma nyɛ ya kpa a nama maga a ta. A waa chi luri ti. Ma nyɛ ya sɛm wuti duŋduŋ a nyɛ ya tusa chaani nɛnɛ. A waa chi boroboro naa vɛ kpak luri ti.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

Gal. 5:20

Ba yaa nyɛ vursiwa jirimarɛ a la tum hiti tuma. Ba yaa ha dɔŋwa a la di dɔŋa wa amɔrɛ a na paan a du dɔŋ ni a kpak handɔta wa dɔŋa a ya se tima. Ba purigi dɔŋwa,

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 4:25

O chi ma maga ya Yesu Kristo bara luk pɛksiwa. Chendaha ma ta suni wɛ a nyɛ dɔŋ ni. Ma ka sɛm wuti sɛma a nyɛ ma dɔŋtim ni.

Ɛfɛ. 4:26

Ma na paan a du nandigi ni, ma ta kpa chen a du ma tusi ni a vusi.

Kɔl. 3:19

Nibaala, maa daŋni ma haanasa nɛnɛ a ta kpak tu haasa a du ba ni.

Kɔl. 3:8

Amaa lalaknɔ ma gil a magau. Ma ta na paan a du nara ni. Ma ta chɔk ma dɔŋtim sɔna a ta pini dɔŋ zoma a ta sɛm sɛm tagna,

1 Tim. 3:11

Nisuŋi naa ya nihaan, o lawa o kpak nara jirimau a kpak o titi nɛnɛ a ya wuti tiina a li kina maga ni. O ta lɔ nara gantɛl.

1 Tim. 3:3

O wa lawa o nyɔ sin a dɛɛsi a kpak nara wa tuha sa a kidaŋni o ya malɛ tiina. O lawa o ka ya jɛrgiu a kpak bara sɔɔna saha maga,

1 Tim. 5:13

Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

2 Tim. 3:3

Ba zi vɛ ba dɔŋtimau a ya bambi kpok tima a ya tuha sa tima a chɔk ba sɔna a kitum chi garaŋzur tuma aa du ba ni. Ba zi ha tum wereu,

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Tait. 2:3

Kibiksi nihahɛɛta gbanko di baa tum tum were, chen ni ba dɔŋtima zi nyɛ ba jirimau. Biksi ba ba ta chɔk ba dɔŋtim sɔna a ta nyɔ sin aa dɛɛsi. O lawa nihahɛɛti ta biksi nihaana baa tum tum wereu,

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 3:14

Amaa ma kpak handɔta awa tuha sa a ya se tima, ma ta daŋni sɔn a kisuni di ma kpak wuti zimau.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

1 Pita 2:1

Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.

1 Jɔn 3:12

Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.

1 Jɔn 3:15

Ba naa ha ba dɔŋtima, o chi ba ya nara nikpuulɛwa. Ma zimu di nara nikpuuli wa kpak Koosa mi fali naa vɛ kpak bɔ, ti.

JɔnN Deesi 12:10

Doone mu fun nu ta kpok a li Koosa tɔhɔn ti ni ka o ŋɔ, “Ya funɛ nyaŋi naa yaa funɛ fiksi ya niinbisa Koosa suwachak niu saha maga a duŋni un a ta. Koosa naa ya ya koor wuti, funɛ kpa Kristo kpok a gbaari o kpok ni a lisi naa la muksi ya chen a li ba bambaan ni.