Ɛfɛ. 4:25 - Tampulma

²⁵ O chi ma maga ya Yesu Kristo bara luk pɛksiwa. Chendaha ma ta suni wɛ a nyɛ dɔŋ ni. Ma ka sɛm wuti sɛma a nyɛ ma dɔŋtim ni.

Ɛfɛ. 4:25 Σταυροειδείς Αναφορές

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Room 12:5

Ya gbanko iiu. Domi ya wa Kristo ya nibɛgimnɛ, ya maga chi bara bɛgimnɛ. Chendaha ya lagmi dɔŋ ni a ya nibɛgim.

1 Kɔr. 10:17

Ya maga ya nibɛgim boroboro bɛgim ti daha.

2 Kɔr. 7:14

Taitus funɛ li bar nɔ di o wa ma wati, ya funɛ ŋɔ unu di ma ya ya jirima narawa. Ma wa fun nyɛ ya na hiisa. Ya ha vɛɛn a sɛm sɛm wutɛwa a nyɛ ma. Chen vɛɛna, chenani ya fun ŋɔ Taitus ni, chen ya wutirɛ.

Ɛfɛ. 4:15

O lawa ya mak nibaalu, chen ni ba wa zi bu muksi ya. Yesu Kristo ya ya nyuhu tiina. Ma nyɛ yaa daŋni dɔŋa a kisɛm dɔŋa wa wuti. Ya ya chen a gbaari, ya zi chi unu.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Ɛfɛ. 5:30

Ba chi o bara luk pɛksiwa. Chendaha o daŋni ba kinkan chen.

Kɔl. 3:8

Amaa lalaknɔ ma gil a magau. Ma ta na paan a du nara ni. Ma ta chɔk ma dɔŋtim sɔna a ta pini dɔŋ zoma a ta sɛm sɛm tagna,

Kɔl. 3:9

awa nusuna a nyɛ dɔŋ ni. Ma funɛ piin kpa ma gantɛl tuha kina wɛu a ta. Chendaha ma ta tum chen.

1 Tim. 1:10

a la tum chɔkumsi tuma a daŋni ba wa ba dɔŋtima nibaala kichɔ, a kpaksi nara a la yogli a la sɛm nusun sɛma a la chɔk nara sɔna a la tum tum naa vɛ tiŋ wuti nyinbaan biksi ti.

1 Tim. 4:2

Biksi nɔ li nusun tima ba naa la daŋni ba mur nara nɛɛ. O bak ka wu bu to wu were koo wa tagna ni.

Tait. 1:12

Ba sɛmbiri witinsi ta digi a li Krit ni funɛ ŋɔ saha digi, “Krit tima ya nusun timwa saha maga. Ba chi sel tagna a naa ya pumpo tima a kpak zanyɛrkarɛ.”

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

1 Pita 2:1

Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.